પતંગ ચગાવતા અંકિતાને યાદ આવ્યો સુશાંત! લખ્યું-આજે પણ રુંવાંટા ઉભા થઈ જાય છે

સામાન્ય રીતે અંકિતા લોખંડે સોશિયલ મીડિયા પર પોતાના ફેન્સ સાથે જોડાયેલી જ રહે છે. તેની તસવીરો અને વિડીયોઝ પણ ફેન્સ ખૂબ જ પસંદ કરે છે. મકરસંક્રાંતિ પર તેણે સુશાંત સાથે જોડાયેલો એક ઈમોશનલ વિડીયો શૅર કર્યો હતો. જેને જોઈને ફેન્સ અને ફોલોઅર્સ ઈમોશનલ થઈ ગયા હતાં. આ વિડીયો શેર કરવાની સાથે જ અંકિતાએ રુંવાંટા ઉભા થઈ જવાની વાતનો પણ ઉલ્લેખ કર્યો છે.



'કાય પો છે'નું ગીત સાંભળીને ઈમોશનલ થઈ અંકિતા
અંકિતા લોખંડેએ ઈન્સ્ટાગ્રામ પર મકર સંક્રાંતિ પર પતંગ ઉડાવતા પોતાનો એક વિડીયો શૅર કર્યો હતો. જેમાં સુશાંતની ફિલ્મ 'કાય પો છે'નું ગીત પણ બેકગ્રાઉન્ડમાં વાગી રહ્યું છે. અંકિતાએ લખ્યું કે, 'આ ગીતને સાંભળીને આજે પણ રુંવાંટા ઉભા થઈ જાય છે. શું શાનદાર ફિલ્મ હતી....આટલી બધી યાદો સાથે એ શું સફર હતો....મકર સંક્રાંતિની શુભકામનાઓ.'

ફિલ્મ સમયે હતા રિલેશનશીપમાં
નોંધનીય છે કે ફિલ્મ 'કાયપો છે' સુશાંતની ડેબ્યૂ ફિલ્મ હતી. જે સમયે અંકિતા અને સુશાંત રિલેશનશીપમાં હતાં. આ બન્નેનો પ્રેમ વર્ષ 2011માં 'પવિત્ર રિશ્તા'ના સેટ પર પાંગર્યો હતો. સુશાંતે અંકિતાને ડાન્સ રિયાલિટી શો 'ઝલક દિખલા જા'માં પ્રપોઝ કર્યુ હતું. 2013માં 'કાયપો છે'ના પ્રીમિયર દરમિયાન અંકિતા સુશાંત સાથે હતી. 2016માં બન્નેનું બ્રેકઅપ થયું હતું. અંકિતા હવે વિકી જૈન સાથે રિલેશનશીપમાં છે.