'અનુપમા'ની કાવ્યાએ પોતાની મમ્મી સાથે કર્યો ધમાકેદાર ડાંસ, જુઓ વિડીયો

બોલિવૂડના જાણીતા એક્ટર મિથુન ચક્રવર્તીની વહુ અને એક્ટ્રેસ મદાલસા શર્મા સોશિયલ મીડિયા પર ખૂબ એક્ટિવ રહે છે. તે હંમેશા પોતાની તસવીરો અને વિડીયો શેર કરીને ફેન્સ સાથે જોડાયેલી રહે છે. મદાલસા શર્મા પોતાની એક્ટિંગ સાથે હાલના દિવસોમાં સોશિયલ મીડિયા પોસ્ટ માટે પણ જાણીતી બની છે. હાલમાં મદાલસાનો એક વિડીયો ખૂબ વાઈરલ થઈ રહ્યો છે. જેમાં તે પોતાની મમ્મી સાથે ડાંસ કરતી દેખાઈ રહી છે. વિડીયોમાં એક્ટ્રેસ સેવેજ લવની ટ્યુન પર પોતાની મમ્મી સાથે ડાંસ કરતા દેખાઈ રહી છે.

મદાલસા શર્માએ આ વિડીયો પોતાના ઈન્સ્ટાગ્રામ એકાઉન્ટથી શેર કર્યો છે, જેને ખબર લખાઈ ત્યાં સુધીમાં 33 હજારથી વધુ વખત જોવાઈ ચૂક્યો છે. વિડીયોમાં મદાલસા શર્માનો અંદાજ ખૂબ જ જબરજસ્ત લાગી રહ્યો છે. પોતાની મમ્મી સાથે ડાંસ કરતા મદાલસા ખૂબ જ ક્યૂટ લાગી રહી છે. વિડીયોને લઈને ફેન્સ પણ ખૂબ કોમેન્ટ અને તેની પ્રશંસા કરી રહ્યા છે. જણાવી દઈએ કે આ પહેલીવાર નથી જ્યારે મદાલસા શર્મા ચર્ચામાં આવી હોય. તે ઘણીવાર પોતોના ફોટો અને વિડીયોના કારણે ચર્ચામાં આવતી હોય છે.

જણાવી દઈએ કે મદાલસા શર્મા હાલમાં સ્ટાર પ્લસ પર આવતી સીરિયલ 'અનુપમા'માં મુખ્ય ભૂમિકા ભજવી રહી છે. સીરિયલ અનુપમામાં તે કાવ્યાનું પાત્ર ભજવી રહી છે. વિલનના રૂપમાં મદાલસા શર્મા લોકોનું દિલ જીતવાની એકપણ તક નથી છોડી રહી. મદાલસા શર્મા એક્ટ્રેસ શીલા શર્મા અને નિર્માતા તથા નિર્દેશક સુભાષ શર્માની દીકરી છે. તેણે 2009માં તેલુગુ ફિલ્મ 'ફિટિંગ'થી એક્ટિંગની દુનિયામાં ડેબ્યૂ કર્યું હતું. આ ઉપરાંત તેણે કન્નડ ફિલ્મ 'શૌર્ય'માં પણ કામ કર્યું છે.

લોકડાઉન બાદ લોન્ચ થયેલી રાજન શાહની સીરિયલ 'અનુપમા' TRP ચાર્ટમાં ટોપ પર છે અને દર્શકો તરફથી તેને ભરપૂર પ્રેમ મળી રહ્યો છે. સીરિયલમાં જાણીતી અભિનેત્રી રુપાલી ગાંગુલી લીડ રોલ પ્લે કરી રહી છે. આ સીરિયલ અનુપમા નામની એક એવી સ્ત્રીની કહાણી છે, જે છેલ્લા 25 વર્ષથી ઘરસંસાર સંભાળી રહી છે. તે પરિવાર પાછળ એટલી સમર્પિત થઈ ગઈ છે કે તેને પોતાને શું ગમે છે અને શું નથી ગમતું તે ભૂલી ગઈ છે. સીરિયલની સ્ટોરી ઈમોશનલ છે અને એટલે જ તે દર્શકોના દિલને સ્પર્શી ગઈ છે.