અનુપમાઃ 'સસરા' વનરાજ સાથે 'વહુ' કિંજલે કર્યો રોમેન્ટિક ડાન્સ

નવી દિલ્હીઃ હાલમાં ટીવી પર અનુપમા સીરિયલ ઘણી જ લોકપ્રિય થઈ છે. આ જ કારણથી આ શો ટીઆરપી લિસ્ટમાં પ્રત્યેક સપ્તાહે ટોચ પર રહે છે. દર્શકોને પ્રત્યેક સપ્તાહે આ શોમાં આવતા ટ્વિસ્ટ ઘણા જ પસંદ પડે છે. આ સીરિયલના સ્ટાર્સ પણ ઘણા જ લોકપ્રિય બન્યા છે. તેમના ફેન ફોલોઈંગમાં સતત વધારો થઈ રહ્યો છે.

આ તમામ સ્ટાર્સ શો સિવાય સોશિયલ મીડિયા પર પણ એક્ટિવ રહેતા હોય છે અને શોના સેટ પરથી પોતાની તસ્વીરો પણ પોતાના ચાહકો સાથે શેર કરતા રહે છે. તાજેતરમાં જ અનુપમાની કિંજલ અને વનરાજનો એક રોમેન્ટિક ડાન્સ વિડીયો વાઈરલ થયો છે.

અનુપમા શોમાં કિંજલની ભૂમિકા ભજવી રહેલી એક્ટ્રેસ નિધિ શાહે પોતાના ઈન્સ્ટાગ્રામ એકાઉન્ટ પર એક વિડીયો શેર કર્યો છે. આ વિડીયોમાં નિધિ પોતાના ઓનસ્ક્રીન સસરા વનરાજ એટલે કે સુધાંશુ પાંડે સાથે ડાન્સ કરતી જોવા મળે છે.
નિધિ અને સુધાંશુએ સાઉથની ફિલ્મના લોકપ્રિય ગીત રાઉડી બેબી પર રોમેન્ટિક અંદાજમાં ડાન્સ કર્યો હતો. આ દરમિયાન તેમની કેમેસ્ટ્રી પણ જોવા જેવી હતી. નિધિ અને સુધાંશુનો આ વિડીયો સોશિયલ મીડિયા પર ઘણો જ વાઈરલ થયો છે. જોકે, ઘણા લોકોએ સુધાંશુ એટલે કે વનરાજને એમ પણ કહ્યું છે કે થોડી શરમ કરો, આ તમારા પુત્રની વહુ છે.

વિડીયોમાં નિધિએ ઓરેન્જ અને પિંક કલરની સાડી પહેરી છે. તેની સાથે તેણે વાળમાં ગજરો લગાવ્યો છે. જ્યારે સુધાંશુ સફેદ રંગના કુર્તા-પાયઝામામાં જોવા મળે છે. નિધિએ આ વિડીયો શેર કરતા કેપ્શન પણ રસપ્રદ લખ્યું છે. તેણે લખ્યું હતું કે, ક્યારેક ક્યારેક ફક્ત દર્શકો અને ઓડિયન્સ જ નહીં પરંતુ એક્ટર્સ પણ પોતાના કેરેક્ટરને ભૂલવા ઈચ્છે છે જેને તેઓ ભજવી રહ્યા છે. તેઓ ફક્ત પડદા માટે છે અને પોતાને રીલથી બહાર કાઢીને વાસ્તવિકતા સાથે જોડવી અને મજા કરવી પણ જરૂરી છે.

આ વિડીયો પર તેમના ચાહકોએ પણ રસપ્રદ કોમેન્ટ લખી છે. એક યુઝરે લખ્યું છે કે કાવ્યાને કહેવું પડશે. તો બીજા એક યુઝરે લખ્યું છએ કે ભાઈ તારા પુત્રની વહુ છે, કંઈક તો શરમ કર.