સાસુ સાથે સારા છે મદલાસા શર્માના સંબંધો, બર્થ ડે પર તસવીરો શેર કરીને લખ્યો મેસેજ

સીરિયલ 'અનુપમા'માં 'કાવ્યા'નો રોલ પ્લે કરી રહેલી મદલાસા શર્મા પ્રોફેશનલ ડ્યૂટીમાંથી પણ પરિવાર માટે ગમે તેમ કરીને સમય નીકાળી લે છે. તે સોશિયલ મીડિયા પર પણ પતિ મિમોહ ચક્રવર્તી અને સસરા મિથુન ચક્રવર્તી તેમજ મમ્મી-પપ્પા સાથેની તસવીરો શેર કરતી રહે છે. 29મી ડિસેમ્બરે એક્ટ્રેસના સાસુ અને વીતેલા જમાનાના અભિનેત્રી યોગીતા બાલીનો જન્મદિવસ હતો. આ ખાસ દિવસે મદલાસાએ તેમની સાથેની તસવીરો શેર કરીને વિશ કર્યું હતું.


સાસુને બર્થ ડે વિશ કરતાં મદલાસાએ લખ્યું હતું કે, 'હેપી બર્થ ડે મમ્મા. મને તમારી દીકરી બનવાનું સૌભાગ્ય મળ્યું છે. કોઈની નજર ન લાગે. તમે મને નિયમિત પ્રેરિત કરો છો. તમે મારા જીવનમાં છો તે માટે ખરેખર કૃતજ્ઞ છું. #happybirthday #birthdaygirl #madalsasharma #yogeetabali #motherinlaw #mom #unconditionallove #love #gratitude #grateful'.

મદલાસાએ ત્રણ તસવીરો શેર કરી છે. જેમાંથી પહેલી તસવીર તેના લગ્ન દરમિયાનની છે જ્યારે બીજી તસવીર ફેમિલી વેકેશનની છે. ત્રીજી તસવીર યોગીતા બાલીના યુવાનીના દિવસોની છે.


મદલાસા શર્મા એક્ટિંગ ઈન્ડસ્ટ્રીમાં જાણીતું નામ છે. તે સાઉથની ઘણી ફિલ્મોમાં કામ કરી ચૂકી છે. રાજન શાહીની 'અનુપમા'થી તેણે ટીવી ઈન્ડસ્ટ્રીમાં ડેબ્યૂ કર્યુ છે. જેમાં તે કાવ્યાનો રોલ પ્લે કરી રહી છે, તે એક એવી યુવતી છે જે પરિણીત પુરુષના પ્રેમમાં છે અને આ વાતની જાણ બધાને થઈ ગઈ છે. સીરિયલમાં અનુપમા માટે વિલન માટે સાબિત થયેલી કાવ્યાને દર્શકો તરફથી સારો પ્રતિસાદ મળી રહ્યો છે. સીરિયલમાં વનરાજ સાથે રોમાન્સ કરતી હોય તેવા ઘણા સીન છે.


આ વિશે અગાઉ વાતચીત કરતાં મદલાસાએ જણાવ્યું હતું કે, 'મારા પતિ સહિત મારો આખો પરિવાર સીરિયલ જુએ છે. જ્યારે તેમને લાગે કે અહીંયા હું વધારે સારુ કરી શકતી હતી, તો આ બાબતે મને સલાહ આપે છે. મારી મમ્મી કે જે પોતે પણ એક્ટ્રેસ છે તે પણ સૂચનો આપતી રહે છે. મિમોહ પહેલા સાસુ-વહુની સીરિયલો નહોતો જોતો, પરંતુ હવે તે મારી સાથે મારો શો જુએ છે. રસપ્રદ વાત એ છે કે, જ્યારે તે સુધાંશુ પાંડે (વનરાજ) સાથે મને રોમાન્સ કરતી જોવે ત્યારે તે મને કહે છે કે તમારા બંનેની કેમેસ્ટ્રી સારી લાગે છે. તેનું કહેવું છે કે, રિલ કેમેસ્ટ્રીને રિયલ દેખાડવી તે પણ મહત્વનું હોય છે'.