બિગ બોસના ઘરમાંથી બહાર થયા બાદ આ અભિનેત્રીએ સલમાન સામે લગાવ્યો આવો આરોપ

મુંબઈઃ બિગ બોસ 13ના ઘરમાંથી અત્યાર સુધી બે સભ્યો સાકી ગર્લ કોયેના મિત્રા અને દલજીત કૌર બહાર થઈ ગયા છે. બંને જણા ઘરમાંથી બહાર આવ્યા બાદ ખુશ નથી. પહેલા દલજીતે શોમાં પોતાની સાથે પક્ષપાત થયો હોવાનો આરોપ લગાવ્યો હતો અને હવે કોયેના મિત્રાએ આવા આરોપ લગાવ્યા છે. નવભારતટાઈમ્સ.કોમ સાથેની વાતચીતમાં કોયેનાએ સલમાન ખાન પર નિશાન સાધ્યું હતું અને કહ્યું છે કે સલમાને તેની સાથે પક્ષપાત કર્યો છે અને જે લોકો તેની સાથે ખરાબ વર્તન કરી રહ્યા હતા સલમાને તેમનો પક્ષ લીધો હતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો બિગ બોસના ઘરમાં પોતાના અનુભવ અંગે બોલતા કોયેનાએ કહ્યું હતું કે બિગ બોસના ઘરમાં સમય વિતાવવાનો અનુભવ સારો રહ્યો છે. ઘરની બહાર આવ્યા બાદ લોકોનો અને મીડિયાનો પ્રેમ અને સપોર્ટ જોવા મળી રહ્યો છે. સોશિયલ મીડિયામાં પણ ઘરમાં હું જે પ્રકારે રહી હતી તેની પ્રશંસા કરતા કોમેન્ટ લખી રહ્યા છે. જોકે, પોતાની સાથે પક્ષપાત થયો હોવાનું જણાવતા તેણે કહ્યું હતું કે સોશિયલ મીડિયામાં જનતાની જે પ્રતિક્રિયા સામે આવી છે તેમાં મને લાગે છએ કે મારી સાથે સ્પષ્ટ રીતે પક્ષપાત થયો છે. મારા મનમાં પણ આ જ સવાલ વારંવાર થઈ રહ્યો છે કે મને કોની મંજૂરી લઈને બહાર કરવામાં આવી છે. મારે તેનો જવાબ જોઈએ છે અને મને જવાબ મળવો જોઈએ. સલમાને દેવોલીના અને આરતીને ખરાબ વર્તન કરતા રોકી ન હતી તેમ જણાવતા કોયેનાએ કહ્યું હતું કે તે ઘરમાં આરતી સિંઘ છે અને તેની પોતાની કોઈ વાત નથી. તે પ્રત્યેક સભ્યની વાતમાં ત્રીજા વ્યક્તિની ભૂમિકા ભજવે છે. આરતી પ્રત્યેક બે લોકોની વાતમાં પોતાને જોડી લે છે અને તેની કોઈ જરૂરત પણ નથી. મેં આ અંગે કહેવાનો પ્રયાસ કર્યો હતો પરંતુ સલમાને મને બોલવા દીધી ન હતી. સલમાને હોસ્ટ અને સિનિયર એક્ટર હોવા છતાં બંનેના ખરાબ વર્તનને રોકવાનો પ્રયાસ કર્યો ન હતો. તેણે કહ્યું હતું કે સલમાન ખાન જેને પસંદ કરે છે તે તેનું સમર્થન જરૂરથી કરે છે. ભલે પછી તે ખોટો હોય કે સાચો. આ વાત લોકો પણ કહે છે. તમે પબ્લિક રિવ્યુ જુઓ તો ખ્યાલ આવશે કે સલમાન અંગે બધા આવી જ વાતો કરી રહ્યા છે. મને લાગે છે કે સલમાન મને પસંદ કરતો નથી. તેમની પસંદના કેટલાક લોકો શોમાં છે અને તેથી તે તેમનું જ સમર્થન કરે છે.