'ભાભીજી ઘર પર હૈ'માં આવશે બ્રેટ લી

મુંબઈઃ ઓસ્ટ્રેલિયાનો ભૂતપૂર્વ ફાસ્ટ બોલર ભારતીય રોમેન્ટિક કોમેડી ફિલ્મ ‘અનઇન્ડિયન’ના પ્રચાર માટે લોકપ્રિય ભારતીય ટીવી સિરિયલ ‘ભાભીજી ઘર પર હૈ’માં જોવા મળશે. સિરિયલમાં અનિતાનું પાત્ર ભજવી રહેલી સૌમ્યા ટંડને કહ્યું છે કે, ‘બ્રેટ લી વિશ્વમાં સૌથી વધુ પ્રશંસનીય ક્રિકેટર્સમાંથી એક છે. લી અમારા સેટ પર આવી રહ્યા છું તે સાંભળીને હું ખુશ છું. મેં સાંભળ્યું છે કે, તે ગિટાર બહુ સારું વગાડે છે. તેથી મારી તેમની પાસેથી ગિટાર સાંભળવાની ઇચ્છા છે.’

લીએ બુધવારે સિરિયલના આ એપિસોડ માટે શૂટિંગ કર્યું છે. ‘ભાભીજી ઘર પર હૈ’નું પ્રસારણ એન્ડ ટીવી પર થાય છે. તેમાં સૌમ્યા ટંડન ઉપરાંત આસિફ શેખ, શુભાંગી અત્રે અને રોહિતાશ ગૌડ પણ છે. અનુપમ શર્મા દ્વારા નિર્દેશિત ‘અનઇન્ડિયન’ ભારતમાં 19મી ઓગસ્ટે રિલીઝ થશે. તેમાં તનિષ્ઠા ચેટરજી અને નિકોલસ બ્રાઉન જેવા સ્ટાર્સ પણ છે.