સિંગલ મધર હોવું Charu Asopa માટે બન્યું સૌથી મોટી મુસીબત, ભાડા પર કોઈ ઘર આપવા નથી તૈયાર

ચારુ અસોપાએ જણાવ્યું હતું કે 'મુંબઈમાં ઘર શોધવાથી લઈને શિફ્ટ થવા સુધી, તે સરળ નથી. હું ઘણા સમયથી ઘર શોધી રહી હતી અને બધી જગ્યાથી નેગેટિવ જવાબ મળતો હતો. દરરોજ હું ઘર શોધવા માટે બહાર નીકળતી હતી અને તે હેક્ટિક હતું'. એક્ટ્રેસે જણાવ્યું હતું કે, તે એક્ટરની સાથે-સાથે હવે સિંગલ મધર હોવાથી ઘર શોધવાનો માર્ગ સહેજ પણ સરળ નહોતો. 'બે બાબતો છે, પહેલા તો હું એક એક્ટર છું અને બીજું એ કે હું સિંગલ મધર છું. આ પણ એક સમસ્યા છે. મુંબઈમાં જો એક્ટર્સને ઘર નહીં મળે તો પછી તેઓ ક્યાં જઈને રહેશે?' તેમ તેણે ઉમેર્યું હતું.

આ પ્રકારની સ્થિતિનો સામનો કરવા વિશે પૂછતાં, ચારુ અસોપાએ ખુલાસો કર્યો હતો કે 'મેં સિંગલ મધર તરીકે તેનો સામનો કર્યો છે. એક ફ્લેટ મને ખૂબ જ ગમ્યો હતો, પરંતુ તેઓ રૂઢિચુસ્ત હતા. તેમને જાણ થઈ હતી કે હું સિંગલ મધર છું અને મારી દીકરી સાથે એકલી રહેવાની છું. આ વાત તેમને પરેશાન કરતી હોવાની મને જાણ થઈ હતી'

દીકરી ઝિયાના ઝડપથી મોટી થઈ રહી હોવાથી ચારુ અસોપાને ઘર બદલવાની જરૂર હોવાનું લાગ્યું હતું. આગળ તેણે કહ્યું હતું કે 'તે ખૂબ જ નાનું ઘર હતું. હું જ્યાં રહેતી હતી કે BHK ફ્લેટ હતો. મને લાગતું હતું કે, તે મારા અને ઝિયાના માટે પર્ફેક્ટ રહેશે. પરંતુ હવે માને લાગે છે કે ઝિયાનાએ ચાલવાનું શરૂ કરી દીધું છે. તે આગળ-પાછળ જોયા વગર દોડે છે. તેને ઈજા પહોંચી શકે છે. હું કોઈ મોટા ઘરમાં શિફ્ટ નથી થઈ રહી. ઓછામાં ઓછું 2 BHK હોવું જોઈએ, જ્યાં એક એવો રૂમ હોય જ્યાં તે રમી શકે'.

સોશિયલ મીડિયા પર એક્ટિવ રહેતી ચારુ અસોપા ઘણીવાર ટૂંકા કપડામાં તેની તસવીરો શેર કરે છે. તેના પર પ્રતિક્રિયા આપતા તેણે કહ્યું હતું કે, લોકો તેને કહે છે કે ડિવોર્સની તારીખ જેમ નજીક આવી રહી છે તેમ તે વધારે બોલ્ડ થવા લાગી છે. તે ટૂંકા કપડા પહેરે છે તેનો અર્થ એ નથી કે દીકરીને પ્રેમ નથી કરતી. તે પહેલા પણ આવા પ્રકારના કપડા પહેરતી હતી પરંતુ ત્યારે કોઈ કંઈ કહેતું નહોતું. પરંતુ હવે તે સિંગલ મધર છે તો બધા વાંધો ઉઠાવી રહ્યા છે.