ત્રણ મહિનાની થઈ સુષ્મિતા સેનની ભત્રીજી, ચારુ અસોપાએ પહેલીવાર શેર કરી તસવીરો

ટીવી સીરિયલ મેરે અંગને મેંથી લોકપ્રિય થયેલી અભિનેત્રી ચારુ અસોપાની દીકરી ઝિયાના ત્રણ મહિનાની થઈ ગઈ છે. ચારુ અસોપાએ સોશિયલ મીડિયા પર અત્યાર સુધી દીકરીની અનેક તસવીરો અને વીડિયો શેર કર્યા છે, પરંતુ આજ સુધી તેનો ચહેરો નથી બતાવ્યો. પરંતુ દીકરી 3 મહિનાની થઈ તો ચારુ અસોપાએ દીકરી સાથેન પોતાની તસવીરો શેર કરી છે. આ તસવીરમાં ઝિયાનાનો ચહેરો સ્પષ્ટપણે દેખાય છે.

'ઉં અંટાવા' માટે કોરિયોગ્રાફર ગણેશ આચાર્યએ સર્જરી કેન્સલ કરી હતી, સામંથા હતી નર્વસ, જાણો ગીતની રસપ્રદ વાતો
તસવીરમાં જોઈ શકાય છે કે ચારુએ સાડી પહેરી છે. તેના ખોળામાં સફેદ રંગના બેબી સૂટમાં દીકરી છે. ચારુ અસોપા દીકરી પર પ્રેમ વરસાવત જણાઈ રહી છે. આ તસવીરો શેર કરીને અભિનેત્રી ચારુ અસોપાએ કેપ્શન પણ લખ્યું છે. તેણે લખ્યું છે કે, હેપ્પી થ્રી મન્થ્સ મારી જાન, તને કોઈની નજર ના લાગે. આ દુનિયામાં તને હું સૌથી વધારે પ્રેમ કરુ છું. તસવીરો જોઈને ફેન્સ શુભકામનાઓ પાઠવી રહ્યા છે અને પ્રેમ પણ વરસાવી રહ્યા છે.


એક યુઝરે લખ્યું કે- આ બિલકુલ તેના પપ્પા જેવી દેખાય છે. ઉલ્લેખનીય છે કે ચારુ અસોપા અત્યારે નાના પડદાથી દૂર છે. પરંતુ તે યૂટ્યુબ ચેનલ અને ઈન્સ્ટાગ્રામ પર ઘણી સક્રિય છે. અહીં તે પોતાના પરિવાર સાથે ફેન્સની મુલાકાત કરાવતી રહે છે. ચારુએ વર્ષ 2019માં સુષ્મિતા સેનના નાના ભાઈ રાજીવ સેન સાથે લગ્ન કર્યા હતા. નવેમ્બર 2021માં દીકરીના જન્મ પછી તેનું ઘણું વજન વધી ગયુ હતું, પરંતુ તેણે વર્કઆઉટની શરુઆત કરી. આ તમામ વાતો તેણે પોતાના વ્લોગમાં જણાવી હતી.