કોરિયોગ્રાફરમાંથી એક્ટર અને હવે જજ બનેલા ધર્મેશ યેલાંડેએ તેના સફરની શરૂઆત 'ડાન્સ ઈન્ડિયા ડાન્સ'ના કન્ટેસ્ટન્ટ તરીકે કરી હતી. આ ડાન્સ રિયાલિટી શોનો જજ રેમો ડિસૂઝા હતો. ધર્મેશ શોના ટોપ ફાઈનાલિસ્ટમાંથી એક હતો અને બાદમાં તે રેમોની ફિલ્મ ABCDમાં પણ જોવા મળ્યો હતો. આ સિવાય તે ABCD 3Dમાં પણ હતો. આટલું જ નહીં. રેમો ડિસૂઝાના શો 'ડાન્સ પ્લસ'ની પાંચેય સીઝનમાં ધર્મેશ મેન્ટર રહી ચૂક્યો છે. હાલમાં, રેમો 'ડાન્સ દીવાને સીઝન 3'ના સ્ટેજ પર મહેમાન બનીને પહોંચ્યો હતો. જ્યાં કન્ટેસ્ટન્ટે રેમોને એક પર્ફોર્મન્સ સમર્પિત કર્યું હતું. જેમાં તે હાર્ટ એટેક આવ્યો તે વાતને પણ સમાવી લેવામાં આવી છે. આ જોઈને ધર્મેશની આંખમાં આંસુ આવી ગયા હતા.
ચેનલે ઈન્સ્ટાગ્રામ અકાઉન્ટ પર 'ડાન્સ દીવાને સીઝન 3'ના અપકમિંગ એપિસોડનો એક પ્રોમો પોસ્ટ કર્યો છે. જેમાં કન્ટેસ્ટન્ટ પર્ફોર્મન્સ આપતા જોવા મળી રહ્યા છે. જે જોઈને રેમો ભાવુક થઈ જાય છે અને કહે છે કે, 'મને લાગે છે કે મારા જીવનમાં આ પહેલીવાર થયું, જેણે મને ભાવુક કરી દીધો હતો'. જે બાદ ધર્મેશ કહે છે કે, 'ભગવાનને એ જ પ્રાર્થના કરીશ કે આગળ કંઈક થાય તો, પહેલા મને થાય અને પછી આમને. ત્યાં સુધી પહોંચે જ નહીં'. આ દરમિયાન શોના હોસ્ટ રાઘવ જુયાલની આંખમાં પણ આંસુ આવી જાય છે. વીડિયોમાં આગળ ધર્મેશને રેમોને ભેટતો જોઈ શકાય છે.
ઉલ્લેખનીય છે કે, ગયા વર્ષના ડિસેમ્બર મહિનામાં રેમો ડિસૂઝાને હાર્ટ એટેક આવ્યો હતો અને બાદમાં તેને કોકિલાબેન હોસ્પિટલમાં ખસેડવામાં આવ્યો હતો.
વડોદરાના એક ગરીબ પરિવારમાંથી આવતા ધર્મેશ યેલાંડેને ઘર-ઘરમાં જાણીતું નામ બનાવવા પાછળ રેમો ડિસૂઝાનો મોટો ફાળો છે. ધર્મેશ રેમોને પોતાના ગુરુ માને છે. રેમો જ્યારે હોસ્પિટલમાં હતો ત્યારે પણ ધર્મેશ સતત તેની સાથે હતો. અગાઉ અમારા સહયોગી ટાઈમ્સ ઓફ ઈન્ડિયા સાથે વાતચીત કરતાં ધર્મેશે કહ્યું હતું કે, 'ડાન્સ રિયાલિટી શોમાં ભાગ લેવાથી લઈને આર્ટિસ્ટના મેન્ટોર બનવું, ડાન્સ આધારિત ફિલ્મોમાં એક્ટિંગ કરવી તેમજ ડાન્સ દીવાને સીઝન 3ના જજ બનવા સુધી, રોલરકોસ્ટર રાઈડ રહી. જો કે, રેમો સર અને મારી જર્નીમાં દરેક અન્ય મેન્ટોર મારી પ્રેરણાસ્ત્રોત રહ્યા છે'.
ચેનલે ઈન્સ્ટાગ્રામ અકાઉન્ટ પર 'ડાન્સ દીવાને સીઝન 3'ના અપકમિંગ એપિસોડનો એક પ્રોમો પોસ્ટ કર્યો છે. જેમાં કન્ટેસ્ટન્ટ પર્ફોર્મન્સ આપતા જોવા મળી રહ્યા છે. જે જોઈને રેમો ભાવુક થઈ જાય છે અને કહે છે કે, 'મને લાગે છે કે મારા જીવનમાં આ પહેલીવાર થયું, જેણે મને ભાવુક કરી દીધો હતો'. જે બાદ ધર્મેશ કહે છે કે, 'ભગવાનને એ જ પ્રાર્થના કરીશ કે આગળ કંઈક થાય તો, પહેલા મને થાય અને પછી આમને. ત્યાં સુધી પહોંચે જ નહીં'. આ દરમિયાન શોના હોસ્ટ રાઘવ જુયાલની આંખમાં પણ આંસુ આવી જાય છે. વીડિયોમાં આગળ ધર્મેશને રેમોને ભેટતો જોઈ શકાય છે.
ઉલ્લેખનીય છે કે, ગયા વર્ષના ડિસેમ્બર મહિનામાં રેમો ડિસૂઝાને હાર્ટ એટેક આવ્યો હતો અને બાદમાં તેને કોકિલાબેન હોસ્પિટલમાં ખસેડવામાં આવ્યો હતો.
વડોદરાના એક ગરીબ પરિવારમાંથી આવતા ધર્મેશ યેલાંડેને ઘર-ઘરમાં જાણીતું નામ બનાવવા પાછળ રેમો ડિસૂઝાનો મોટો ફાળો છે. ધર્મેશ રેમોને પોતાના ગુરુ માને છે. રેમો જ્યારે હોસ્પિટલમાં હતો ત્યારે પણ ધર્મેશ સતત તેની સાથે હતો. અગાઉ અમારા સહયોગી ટાઈમ્સ ઓફ ઈન્ડિયા સાથે વાતચીત કરતાં ધર્મેશે કહ્યું હતું કે, 'ડાન્સ રિયાલિટી શોમાં ભાગ લેવાથી લઈને આર્ટિસ્ટના મેન્ટોર બનવું, ડાન્સ આધારિત ફિલ્મોમાં એક્ટિંગ કરવી તેમજ ડાન્સ દીવાને સીઝન 3ના જજ બનવા સુધી, રોલરકોસ્ટર રાઈડ રહી. જો કે, રેમો સર અને મારી જર્નીમાં દરેક અન્ય મેન્ટોર મારી પ્રેરણાસ્ત્રોત રહ્યા છે'.