છેલ્લે સીરિયલ ‘કહાં હમ કહાં તુમ’માં જોવા મળેલી દીપિકા કક્કડ લોકડાઉન દરમિયાન ઘરે રહીને કૂકિંગ અને બેકિંગ કરતી જોવા મળી હતી. ટીવી સ્ટાર હોવા છતાં એક્ટ્રેસને સામાન્ય લોકોની જેમ મોલમાં જઈને ગ્રોસરી શોપિંગ પણ કરવું ગમે છે અને આ વાતનો પુરાવો છે તેની હાલની ઈન્સ્ટાગ્રામ પોસ્ટ.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
લાંબા સમય બાદ દીપિકા પોતાની નણંદ સબા સાથે કંઈક ખરીદી કરવા માટે ઘર બહાર નીકળી હતી. એક્ટ્રેસે જે તસવીર શેર કરી છે તેમાં તેણે ચહેરા પર માસ્ક પહેર્યું છે, તેમ છતાં તે કેટલી ઉત્સાહિત છે તે તેના હાવભાવ પરથી સ્પષ્ટ જોવા મળી રહ્યું છે. આ સિવાય એક્ટ્રેસે ફેન્સને લાંબુ લચક બિલ પણ બતાવ્યું છે.
એક્ટ્રેસે બ્લૂ કુર્તીની સાથે ઓરેન્જ પ્લાઝો પહેર્યો છે અને તસવીરના કેપ્શનમાં લખ્યું છે કે, ‘જે બાબતને હું સૌથી વધારે મિસ કરી રહી હતી તે છે, સ્ટોર પર જવું અને ગ્રોસરી શોપિંગ કરવી’.
લોકડાઉન દરમિયાન દીપિકા પોતાના ફેન્સ સાથે તે જે કંઈ પણ કૂક કરતી હતી તેની તસવીરો શેર કરતી હતી. એક્ટ્રેસે ઈન્સ્ટાગ્રામ પર સબાના 200k ફોલોઅર્સ થતાં સેલિબ્રેશન કર્યું હતું અને મફિન્સ બનાવ્યા હતા. આ સિવાય તે પરિવારના સભ્યોના બર્થ ડે અને અનિવર્સરી પર ફેન્સી કેક અને કપકેક પણ બનાવતી જોવા મળી હતી.
વર્કફ્રંટની વાત કરીએ તો, દીપિકા છેલ્લે ‘કહાં હમ કહાં તુમ’માં સોનાક્ષીના રોલમાં જોવા મળી હતી. આ શોમાં તેની ઓપોઝિટમાં એક્ટર કરણ વી. ગ્રોવર હતો.
અનેક પ્રયાસો બાદ પણ વાળ નથી વધતા? આટલું ખાવ અને જુઓ કમાલ