માહી વિજ-જય ભાનુશાળીના ઘરે ડબલ સેલિબ્રેશન, મેચિંગ કપડામાં દેખાયા ત્રણેય બાળકો

માહી વિજ અને જય ભાનુશાળી તેવા સેલેબ્સમાંથી એક છે, જેઓ દરેક તહેવારને ખૂબ જ ધામધૂમથી ઉજવે છે. 25મી ડિસેમ્બરે ટીવીના મોસ્ટ લવ્ડ કપલના ઘરે ડબલ સેલિબ્રેશન હતું. એક તો ક્રિસમસ હતી અને બીજુ એ કે જય ભાનુશાળીનો બર્થ ડે હતો. દર વખતની જેમ આ તહેવારમાં પણ કપલે તેમના ત્રણેય બાળકોને મેચિંગ આઉટફિટ પહેરાવ્યા હતા. જેની તસવીરો સામે આવી છે.


તસવીરમાં ખુશી અને તારાએ રેડ ફ્રોક પહેર્યું હતું અને માથામાં લાલ કલરના મોટાફુલવાળી બેન્ડ લગાવી છે. તો રાજવીરે વ્હાઈટ શર્ટ, બ્લેક પેન્ટ અને રેડ જેકેટ પહેર્યું છે તેમજ રેડ બો પણ લગાવી છે. જ્યારે માહીએ શોર્ટ બ્લેક ડ્રેસ અને જયે વ્હાઈટ શર્ટ-બ્લેક પેન્ટ પહેર્યું છે.


માહી વિજે ઘરે જ ક્રિસમસ પાર્ટી અને બર્થ ડે પાર્ટીનું આયોજન કર્યું હતું. તેણે એક વીડિયો શેર કરીને પતિને બર્થ ડે વિશ કરતાં કહ્યું હતું કે, 'હેપી બર્થ ડે. આઈ લવ યુ સો મચ અને તું તે જાણે છે. તું ખુશી, તારા અને રાજવીર માટે બેસ્ટ પિતા છે. છોકરામાંથી પુરુષ બનતા મેં તને જોયો છે. તારાના જન્મ વખતે તે સ્થિતિ સંભાળી હતી, હું ભાંગી પડી હતી પરંતુ તું મજબૂત સાબિત થયો. હેપી બર્થ ડે'. આ સાથે તેણે લખ્યું હતું કે, 'મારા ક્રેઝી પતિને હેપી બર્થ ડે. જય ભાનુશાળી તારા કારણે હું ગર્વ અને સુરક્ષિત અનુભવું છું. વી લવ યુ જયુ'.


તો જય ભાનુશાળીએ બર્થ ડે સેલિબ્રેશનમાંથી એક તસવીર શેર કરીને વિશ કરનાર દરેકનો આભાર માન્યો છે. તેણે લખ્યું છે કે, 'આભાર માહી વિજ ડેકોરેશન માટે મહેનત કરવા માટે અને હું હજુ પણ 20 વર્ષો છું તેવું ફીલ કરાવવા માટે. તારી સાથે રોજનો દિવસ રોલર કાસ્ટર રાઈડ જેવો હોય છે. બર્થ ડે વિશ માટે આપ તમામનો આભાર. બર્થ ડે પાર્ટી અને ક્રિસમસ પાર્ટી માટે માહી આભાર'.

માહી વિજ અને જય ભાનુશાળી ત્રણ બાળકો ખુશી, તારા અને રાજવીરના માતા-પિતા છે. જેમાંથી તારા તેમની બાયોલોજિકલ ચાઈલ્ડ છે જ્યારે ખુશી અને રાજવીર તેમના કેરટેકરના બાળકો છે. જેને તેમણે દત્તક લીધા છે.