આ એક્ટ્રેસને બોયફ્રેન્ડે ઘૂંટણીયે બેસીને કર્યું પ્રપોઝ? પહેરાવી ડાયમંડની રિંગ!

બિગ બોસ 7ની વિનર અને એક્ટ્રેસ ગૌહર ખાન હાલ પોતાના જીવનના સૌથી સુખદ સમયમાંથી પસાર થઈ રહી છે. એક્ટ્રેસ સોશિયલ મીડિયા પર એક્ટિવ રહે છે અને ફેન્સને મનોરંજન પૂરુ પાડતી રહે છે. આ સિવાય લાઈવ ચેટથી તેમની સાથે કનેક્ટ પણ રહે છે.

ગૌહર ખાન છેલ્લા કેટલાક સમયથી પોતાના કથિત બોયફ્રેન્ડ ઝૈદ દરબારના કારણે ચર્ચામાં છે. હાલમાં તેણે ઈન્સ્ટાગ્રામ પર જે વીડિયો શેર કર્યો છે તે પણ ઝૈદ સાથેનો છે. પરંતુ આ જે વિડીયો છે તેનો જોઈને ફેન્સ માથુ ખંજવાળતા રહી ગયા છે. કારણ કે, તેમાં બંને પહેલા તો પંજાબી સોન્ગ પર ડાન્સ કરતાં જોવા મળી રહ્યા છે. બાદમાં ઝૈદ ઘૂંટણીયે બેસીને તેને પ્રપોઝ કરી છે અને તેને ડાયમંડ રિંગ પહેરાવે છે.



આ વિડીયો જોઈને બંને ખરેખર એકબીજાના પ્રેમમાં હોય તેમ લાગી રહ્યું છે. ગૌહર ખાને કેપ્શનમાં પણ આવું જ કંઈક લખ્યું છે. તેણે લખ્યું છે કે, 'આ સોન્ગની અસર છે કે મનની વાત છે? જલ્દી કહેજે...#GaZa કિલિંગ ઈટ. #dropYourLove @zaid_darbar શશશશશશશશ...#diamonddachalla'.

ગૌહર ખાન કરતાં ઝૈદ લગભગ 12 વર્ષ નાનો છે. પરંતુ બંનેની જોડી અને તેમની કેમેસ્ટ્રી ફેન્સને ખૂબ પસંદ આવી રહી છે. આ બંનેને તેમના ફેન્સ તરફથી હુલામણું 'GaZa'પણ મળ્યું છે.

બંને એકબીજાને ડેટ કરી રહ્યા હોવાની છેલ્લા ઘણા સમયથી ચર્ચા છે. ગૌહરે હાલમાં પોતાનો બર્થ ડે સેલિબ્રેટ કર્યો હતો ત્યારે પણ ઝૈદ ત્યાં ઉપસ્થિત રહ્યો હતો તો ઝૈદે પણ સામે ગૌહરના ખાસ દિવસને વધારે ખાસ બનાવી દીધો હતો. ઝૈદની વાત કરીએ તો તે મ્યૂઝિક કમ્પોઝર ઈસ્માઈલ દરબારનો દીકરો છો.