CM નીતિશ કુમાર પાસે મદદ માંગનાર બાળકની વ્હારે આવી ગૌહર ખાન, ભણતરનો ખર્ચો ઉઠાવવાની તૈયારી બતાવી

અત્યારે બિહારમાં રહેતા એક નાના બાળક સોનુ કુમારની ચારે બાજુ ચર્ચા થઈ રહી છે. છઠ્ઠા ધોરણમાં અભ્યાસ કરતા 11 વર્ષીય સોનુ કુમારે તાજેતરમાં જ બિહારના મુખ્યમંત્રી નીતિશ કમાર સામે જઈને અભ્યાસમાં મદદની માંગ કરી હતી. આ વીડિયો સોશિયલ મીડિયા પર વાયરલ થયો હતો અને અભિનેત્રી ગૌહર ખાને પણ તે જોયો. ગૌહર ખાને જ્યારે આ વીડિયો જોયો તો તેને આ બાળક સાથે લગાવ થઈ ગયો. તેણે તરત જ સોનુ કુમારની મદદ કરવા માટે હાથ લંબાવ્યો.

Anushka Sharmaનું છલકાયું દુઃખ, મા બન્યા બાદ કામ કરતી મહિલાઓને પડતી મુશ્કેલીઓ વિશે કરી વાત
ગૌહર ખાને ટ્વિટ કરીને સોનુ કુમાર વિશે જાણકારી માંગી છે. તેણે સોનુ કુમાર સાથે કઈ રીતે સંપર્ક કરી શકાય તે પ્રશ્ન ટ્વિટર પર કર્યો છે જેથી તેની મદદ કરી શકાય. ગૌહર ખાને ટ્વિટ કરીને લખ્યું કે, આ છોકરો કેટલો તેજસ્વી છે. શું મને તેની કોન્ટેક્ટ ડીટેલ મળી શકે છે? હું તેના અભ્યાસનો ખર્ચ ઉઠાવવા માંગુ છું. આ છોકરો અદ્દભુત છે. તેની પાસે એક વિઝન છે, તેનું ભવિષ્ય ઉજળું છે. પ્લીઝ મારી મદદ કરો.


સોનુ કુમાર કઈ રીતે ચર્ચામાં આવ્યો તેની વિગતવાર વાત કરીએ તો, બિહારના મુખ્યમંત્રી નીતિશ કુમાર તાજેતરમાં જ પત્નીની 16મી પુષ્ણતિથી પર નાલંદા સ્થિત કલ્યાણ બિગહા નામના ગામ પહોંચ્યા હતા. અહીં મોટી સંખ્યામાં લોકો એકઠા થયા હતા. તે જ સમયે સોનુ કુમાર ભીડની વચ્ચે નીતિશ કુમાર સામે પહોંચી ગયો હતો અને પોતાની સમસ્યા જણાવી હતી. સોનુ કુમારે નીતિશ કુમારને જણાવ્યુ હતું કે, પ્રણામ સર, સાંભળો, મને ભણવા માટે હિંમત આપો.
ત્યાં હાજર મીડિયાકર્મીએ જ્યારે સોનુ કુમાર સાથે વાતચીત કરી તો તેણે પરિવારની સમસ્યાનો ઉલ્લેખ કર્યો. સોનુ કુમારે જણાવ્યું કે, તેના પિતાની દહીંની દુકાન છે. પરંતુ તેના પિતા જે પણ કમાય છે તે દારુ પીવા પાછળ વાપરી નાખે છે. સોનુ કુમાર સરકારી શાળામાં અભ્યાસ કરે છે પરંતુ તેની ફરિયાદ છે કે ત્યાં શિક્ષકો સારી રીતે ભણાવતા નથી.