'ઓનસ્ક્રીન' જમાઈ મોહસિન ખાન સાથે રોમાન્સ કરવામાં હિના ખાનને નથી વાંધો

'સોન્ગ સારું ચાલી રહ્યું છે તે વાતની મને ખુશી છે. કોઈ ખાસ સોન્ગમાં રોમાન્સ કરવાની વાત જ અલગ છે. આ સોન્ગના તો મૂળમાં જ રોમાન્સ છે. આ લવ સોન્ગથી વધારે છે. આ સુંદર સોન્ગ છે અને એકબીજાનો આભાર વ્યક્ત કરતું સોન્ગ છે. એકબીજાની સાથે ખરાબ સમયમાં ઉભા રહેવું તે આ સોન્ગ શીખવે છે. વિશાલે ખૂબ સરસ રીતે આ સોન્ગ ગાયું છે અને નરેશ સર તેમજ મિથુન કેટલા બ્રિલિન્ટ કમ્પોઝર છે તો તે આપણે જાણીએ જ છીએ'.

'જ્યારે મેં આ સોન્ગ સાંભળ્યું તો મારા રુંવાડા ઉભા થઈ ગયા હતા. ગીતને લઈને મારા મનમાં કોઈ શંકા નહોતી. વિશાલ મિશ્રાએ સરસ રીતે ગાયું છે. કબીર સિંહમાં તેમણે ગાયેલા ગીતો મને ખૂબ ગમ્યા હતા. આ સોન્ગનો ભાગ બનવાને લઈને ખૂબ જ ઉત્સાહિત હતી. આ સિવાય મ્યૂઝિક વીડિયો માટે જે રીતે સ્ટોરી લખવામાં આવી છે તે અદ્દભુત છે. જેમાં દર્શાવાયું છે કે એક પતિ કે જે પાઈલટ છે તે વ્હીલચેર પર ઘરે આવે છે અને તેની પત્ની તેને કેવી રીતે સપોર્ટ અને પ્રોત્સાહન આપે છે. તે રોજ તેનું ધ્યાન રાખે છે અને તે ફરીથી પોતાના પગ પર ઉભો થશે તેવી ખાતરી પણ આપે છે. સ્ટોરી સુંદર છે, જેને માત્ર 4 મિનિટમાં કહેવાનો પ્રયાસ કરાયો'.

'અમે ઓન-સ્ક્રીન સાથે આવ્યા તે પાછળ પણ કારણ છે. મને લાગે છે કે સ્ટીરીયોટાઈપ્સ અને અવરોધોને તોડવા જોઈએ. હું દરેકને કહેવા માગું છું કે, મેં પ્રિયાંક શર્મા સાથે પણ રોમાન્સ કર્યો છે, જે મારો ફ્રેન્ડ છે અને ઉંમરમાં મારા કરતાં નાનો છે. મને લાગે છે કે તે દિવસો જતા રહ્યા જ્યારે તમે ઓન-સ્ક્રીન તમારા દીકરા, પિતા કે માતા બનેલા કલાકારો સાથે બીજા પ્રોજેક્ટમાં રોમાન્સ કરી શકતા નહોતા. મને લાગે છે કે બધુ દેખાવ પર નભે છે. દર્શકોને પણ ફેરફાર જોવા ગમે છે. જો ઓન-સ્ક્રીન તમે સારા લાગતા હો તો બીજી બાબતો મહત્વ રાખતી નથી. કોઈએ મારા દીકરાનો અથવા વિલનનો રોલ પ્લે કર્યો છે તેનો અર્થ એ નથી કે અમારે બીજીવાર સાથે કામ ન કરવું જોઈએ'.

'સોન્ગના મેકર્સને નાગિન 5માં મારા અને ધીરજ વચ્ચેની લવ-હેટ રિલેશનશિપ પસંદ આવી હતી. તેથી અમને એકબીજાની ઓપોઝિટમાં કાસ્ટ કરવામાં આવ્યા. મેં તરત જ હા પાડી દીધી. મેં કહ્યું કે શા માટે અવરોધોને ન તોડવા જોઈએ ભલે તમે છેલ્લા પ્રોજેક્ટમાં ગમે તે રોલ પ્લે કર્યો હોય પરંતુ નવા પ્રોજેક્ટમાં તમે કંઈક નવું ટ્રાય કરી શકો છો. જો ભવિષ્યમાં મને મોહસિન ખાન અથવા રોહન મહેરા સાથે સોન્ગમાં રોમાન્સ કરવાની ઓફર પડી તો હું ના નહીં પાડું. હું સોન્ગને પૂરતો ન્યાય આપવાનો તેમજ કપલ તરીકે સારા દેખાવાનો પ્રયાસ કરીશ. અંતે તો અમે એક્ટર્સ જ છીએ. અમને કોઈ સવાલ કરશે તેમ લાગતું નથી'.