કપિલ શર્માએ દીકરી સાથેનો ક્યૂટ ફોટો કર્યો શેર, મમ્મીની કાર્બન કોપી છે નાનકડી ઢીંગલી

કોમેડી કિંગ કપિલ શર્માએ ગઈકાલે ઈન્સ્ટાગ્રામ પર દીકરી અનાયરાની એક ક્યૂટ તસવીર શેર કરી હતી, જે જોતજોતામાં સોશિયલ મીડિયા પર વાયરલ થઈ ગઈ હતી. જે બાદ કપિલ શર્માના ફેન્સે તેની નાનકડી ઢીંગલી પર ખૂબ પ્રેમ વરસાવ્યો હતો. અનાયરાની તેના પપ્પા સાથેની તસવીર ખરેખર એટલી સુંદર છે કે તમે તેના પરથી નજર નહીં હટાવી શકો.



કપિલ શર્માની દીકરી તેની મમ્મી ગિન્ની પર ગઈ છે, તેવું કહેવા માટે તમે પણ મજબૂર થઈ જશો. કપિલે ઈન્સ્ટાગ્રામના કેપ્શનમાં લખ્યું છે કે, 'મારા હાથમાં અત્યારસુધીમાં આવેલી તમામ વસ્તુમાંથી સૌથી શ્રેષ્ઠ તું છે. આ સુંદર ભેટ માટે ભગવાન તારો આભાર'.

આપને જણાવી દઈએ કે, એક દીકરીનો બાપ હોવા તરીકે કપિલ શર્મા પોતાને સૌથી વધારે ભાગ્યશાળી માને છે. તે ઘણીવાર અનાયરા સાથે પોતાની તસવીરો શેર કરતો રહે છે. આ તસવીરમાં પણ કપિલે દીકરીને ઉંચકી છે અને અનાયરાએ પણ જાણે તેના પિતા સેલ્ફી લઈ રહ્યા હોવાની જાણ હોય તેમ પોઝ આપ્યો છે.

કપિલની આ પોસ્ટ પર અર્ચના પૂરણ સિંહે મજેદાર કોમેન્ટ કરી છે, તેણે લખ્યું છે કે, 'આ નાનકડી ગિન્ની છે. ભગવાનનો આભાર માનું છું કે તે તેની મમ્મી પર ગઈ છે કપિલ'. તો 'ધ કપિલ શર્મા શો'માં કપિલની પત્નીનો રોલ કરનાર સુમોના ચક્રવર્તીએ લખ્યું છે કે, 'અનાયરા તો ગિન્નીની ફોટોકોપી છે'.



લોકડાઉન દરમિયાન પણ કપિલ શર્માએ તેની દીકરી અને પરિવાર સાથે સમય પસાર કર્યો હતો. તે વખતે તેણે દીકરીની તસવીર શેર કરીને કેપ્શનમાં લખ્યું હતું કે, 'આજ-કાલ તો આખો દિવસ દીકરી સાથે રમું છું. ઊંઘુ છું અને ખાવ છું બસ. મુશ્કેલીઓ બાદ રૂટિન સેટ થયું હતું. તેને સેટલ અને અમને ટાઈમ પપર ઊંઘવાના હજુ 10 જ દિવસ થયા હતા ત્યાં ફરીથી રૂટિન ચેન્જ થઈ ગયું. હવે તો દીકરી પણ આખો દિવસ મને જોઈને કંટાળી ગઈ છે. તેને લાગતું હશે કે, મારો બાપ કંઈ કરતો જ નથી'.

કપિલ શર્માએ તેને લોન્ગ-ટાઈમ ગર્લફ્રેન્ડ ગિન્ની ચતરથ સાથે ડિસેમ્બર 2018માં લગ્ન કર્યા હતા અને લગ્નના એક વર્ષની અંદર ગિન્ની પ્રેગ્નેન્ટ હોવાના ગુડ ન્યૂઝ મળ્યા હતા. તેમના ઘરે 10 ડિસેમ્બર, 2019માં દીકરીનો જન્મ થયો હતો.