શાહરુખનો એપિસોડ કેન્સલ કરવા કપિલે બિમાર હોવાનું બહાનુ બનાવ્યું?

I am Gujarat

કપિલની તબિયત બગડતા શાહરુખને પાછું ફરવુ પડ્યું

તાજેતરમાં સમાચાર આવ્યા હતા કે, કપિલ શર્મા પોતાના શો ‘ધ કપિલ શર્મા શો’ના સેટ પર બેભાન થઈ ગયો હતો. ત્યારબાદ તેને કોકિલાબેન હોસ્પિટલમાં ભરતી કરવામાં આવ્યો હતો. કપિલની તબિયત સારી ન હોવાથી એપિસોડનું શૂટિંગ રદ્દ કરી દેવાયું હતું. આ એપિસોડના શૂટિંગ માટે શાહરુખ પણ પહોંચી ગયો હતો પરંતુ કપિલ ખરાબ તબિયતને લીધે તેને પરત ફરવું પડ્યું હતું. હવે એવા સમાચાર આવી રહ્યાં છે કે, કપિલની તબિયત ખરાબ નહોતી થઈ અને બીજા જ દિવસે તે પોતાની ફિલ્મના શૂટિંગ માટે પહોંચી ગયો.

બીજા દિવસે પોતાની ફિલ્મનું શૂટિંગ કરતો દેખાયો કપિલ

એક ઑનલાઈન પોર્ટલ અનુસાર, કોકિલાબેન હોસ્પિટલના એક અધિકારીએ જણાવ્યું કે, તેમની પાસે એવો કોઈ સત્તાવાર રેકોર્ડ નથી કે, શુક્રવારની સાંજે કપિલ ત્યાં સારવાર માટે પહોંચ્યો હતો. પોર્ટલ સાથે જોડાયેલા એક અધિકારીએ જણાવ્યું કે, કપિલ શર્મા પોતાની લોખંડવાલાની બિલ્ડિંગથી જનરલ સ્ટૂડિયોમાં પોતાની ફિલ્મના શૂટિંગ માટે નીકળ્યો છે. જ્યારે તપાસ કરાઈ તો કપિલ સાચેમાં ત્યાં શૂટિંગ કરી રહ્યો હતો.

‘હેરી મેટ સેજલ’નું પ્રમોશન થવાનું હતુ એપિસોડમાં

હવે આ વાત પર આશ્ચર્ય ફેલાયેલું છે કે, જો કપિલ શુક્રવારે અસલમાં બીમાર થયો હતો તો આટલો જલ્દી ફિલ્મના શૂટિંગ માટે કેવી રીતે સાજો થઈ ગયો. હવે એવું માનવામાં આવી રહ્યું છે કે, ફિલ્મનું શૂટિંગ કપિલ માટે વધારે જરૂરી હોવાથી તેણે બીમાર હોવાનું બહાનું બનાવ્યું હતું. જોકે, એવું કહેવામાં આવ્યું છે કે, કપિલ ટૂંક સમયમાં જ પોતાના કેન્સલ થયેલા શોનું શૂટિંગ કરી લેશે. આ એપિસોડમાં ‘હેરી મેટ સેજલ’ના પ્રમોશન માટે શાહરુખ ખાન, અનુષ્કા શર્મા અને ઈમ્તિયાઝ અલી હાજર રહેશે.