એકતા કપૂરની સીરિયલ ‘કસૌટી ઝિંદગી કી 2’માં કોમોલિકા એટલે કે હિના ખાનની વિદાય બાદ નવો ટ્રેક શરૂ થવાનો છે. અનુરાગ અને પ્રેરણાનું પાત્ર ભજવતા કલાકારો પાર્થ સમથાન અને એરિકા ફર્નાન્ડીસની જોડીને દર્શકોએ ખૂબ પસંદ કરી છે. શોની વાર્તામાં આવતા વળાંકો દર્શકોને જકડી રાખે છે. ત્યારે હવે ટૂંક સમયમાં જ નવી એન્ટ્રી થવાની છે. શોમાં મિસ્ટર બજાજની એન્ટ્રી થવાની છે. રિપોર્ટ મુજબ, કરણ સિંહ ગ્રોવર મિસ્ટર બજાજના પાત્રમાં જોવા મળશે. એકતા કપૂરે મિસ્ટર બજાજની એન્ટ્રીની તૈયારીઓ કરી લીધી છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
સ્વિત્ઝરલેન્ડમાં થશે એન્ટ્રી
કસૌટી ઝિંદગી કી 2ની સ્ટારકાસ્ટ ટૂંક સમયમાં જ સ્વિત્ઝરલેન્ડ જશે. સિરિયલની પહેલી સીઝનમાં રોનિત રોયે મિસ્ટર બજાજનું યાદગાર પાત્ર ભજવ્યું હતું. ત્યારે હવે બીજી સીઝનના મિસ્ટર બજાજને યાદગાર બનાવવા માટે શોના મેકર્સ કોઈ કચાશ રાખવા નથી માગતા. મીડિયા રિપોર્ટ મુજબ, કોમોલિકાની વિદાય બાદ શોના કેટલાક એપિસોડનું શૂટિંગ યુરોપમાં થશે. અને બધું જ સમૂસૂતરું રહ્યું તો મિસ્ટર બજાજ એટલે કે કરણ સિંહ ગ્રોવરની એન્ટ્રી સ્વિત્ઝરલેન્ડની ખૂબસુરત વાદીઓમાં થશે.
ટીવી પર થશે કરણનું કમબેક
કરણ સિંહ ગ્રોવર ટીવી સિરિયલ ‘દિલ મિલ ગયે’ના સમયથી ટીવી ઈન્ડસ્ટ્રીનો હાર્ટથ્રોબ છે. ટીવી પર ઘણી સિરિયલોમાં કામ કરીને નામના મેળવ્યા બાદ કરણે બોલિવુડની વાટ પકડી. જો કે, હવે ફરીથી નાના પડદે પરત ફરવાની તૈયારી કરી રહ્યો છે અને તેના ફેન્સ ખૂબ ઉત્સાહિત છે. હવે જોવાનું એ છે કે કરણની એન્ટ્રી શોમાં કેટલો મસાલો લાવશે.
‘કસૌટી…’ની પહેલી સિઝનમાં પણ હતો કરણ
જણાવી દઈએ કે, કરણ સિંહ ગ્રોવરે કસૌટી ઝિંદગી કીની પહેલી સીઝનમાં પણ કામ કર્યું છે. કરણે તેમાં શરદ ગુપ્તાનું પાત્ર ભજવ્યું હતું. જે પ્રેરણા અને અનુરાગની દીકરી સ્નેહાનો પતિ હતો.
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.