KBC 12: સાચો જવાબ આવડતો હોવા છતાં 1 કરોડ ના જીતી શક્યાં બિગ બીના 'બહેન'

'કૌન બનેગા કરોડપતિ 12'નો લેટેસ્ટ એપિસોડ રસપ્રદ રહ્યો હતો. ગત એપિસોડના રોલ ઓવર કન્ટેસ્ટન્ટ અનુજ કુમાર મહતો 25 લાખ રૂપિયા જીત્યા હતા. ત્યારબાદ ફાસ્ટેસ્ટ ફિંગર ફર્સ્ટ રાઉન્ડ ક્લિયર કરીને ગ્વાલિયરના કિરણ બાજપેયી (Kiran Bajpai) હોટ સીટ પર બેઠાં હતાં. તેઓ ગ્વાલિયરની કોલેજમાં ગેસ્ટ ફેકલ્ટી તરીકે લેક્ચર લે છે. હોટસીટ પર બેસતાં જ તેમણે જણાવ્યું કે, બાળપણમાં જ અમિતાભ બચ્ચનને પોતાના ભાઈ માની લીધા હતા. તેમણે મહાનાયકને એક રાખડી પણ ભેટમાં આપી હતી. બિગ બીએ સહર્ષ આ રાખડીનો સ્વીકાર કર્યો હતો અને કહ્યું કે તેઓ ખૂબ ભાવુક થયા છે. સાથે જ તેમણે કિરણ બાજપેયીને બહેન તરીકે સ્વીકાર્યા હતા.

કિરણ બાજપેયીએ અમિતાભ બચ્ચનને રાખડી બાંધવા 40 વર્ષ સુધી રાહ જોઈ હતી. KBCના મંચ પર આવીને તેમનો ઇંતેજાર પૂરો થયો હતો. અમિતાભ બચ્ચન સાથેની વાતચીતમાં કિરણે એમ પણ જણાવ્યું કે તેમણે કેન્સરને મ્હાત આપી છે. કિરણ 'કૌન બનેગા કરોડપતિ' ગેમ શો ખૂબ શાનદાર રીતે રમ્યા હતા. કિરણ 1 કરોડના સવાલ સુધી પહોંચ્યા હતા પરંતુ બાદમાં ગેમ ક્વિટ કરી હતી.


કિરણ બાજપેયીને 25 લાખ રૂપિયા માટે પ્રશ્ન પૂછાયો કે, 'આમાંથી કઈ કોલેજ ભારતમાં મહિલાઓ માટે સ્થાપિત થનારો સૌથી પહેલી કોલેજ હતી?'

A. એથિરાજ કોલેજ ફોર વીમેન, મદ્રાસ
B. બેથ્યૂન કોલેજ, કોલકાતા
C. ક્વીન મેરીસ કોલેજ, મદ્રાસ
D. ઈન્દ્રપ્રસ્થ કોલેજ, દિલ્હી

સાચો જવાબ છે- બેથ્યૂન કોલેજ.

50 લાખ માટે પૂછવામાં આવેલો સવાલ હતો, 'આમાંથી કંઈ જોડી અંતરિક્ષમાં જનારા સમરૂપ જોડકાં ભાઈઓને એકમાત્ર જોડી હતી અને તેઓ નાસાના ટ્વિન્સ સ્ટડી પ્રોગ્રામનો પણ ભાગ હતા?'

A. એન્ડ્રૂ અને જોસેફ એલન
B. ડેલ અને ગાય ગાર્ડનર
C. સ્કોટ અને માર્ક કેલી
D. યૂરી અને રોમન રોમનેંકો

સાચો જવાબ છે- સ્કોટ અને માર્ક કેલી.

1 કરોડ રૂપિયા માટે પૂછાયેલો પ્રશ્ન હતો, 'ઈરા સેમસન સાથે મળીને સેકરિન નામના કૃત્રિમ સ્વીટનરની શોધ કોણે કરી હતી?'

A.કોન્સ્ટન્ટિન ફાલબર્ગ
B.વોલેસ કેરોથર્સ
C.જોસાયા વિલ્લર્ડ ગિબ્સ
D.થોમસ માર્ટિન લાઉરી

સાચો જવાબ છે- કોન્સ્ટન્ટિન ફાલબર્ગ.

કિરણ બાજપેયીને 1 કરોડ રૂપિયાના આ સવાલનો સાચો જવાબ ખબર હતી પરંતુ તેઓ કોન્ફિડન્ટ નહોતા. માટે તેમણે 50 લાખ રૂપિયા લઈને ગેમ ક્વિટ કરી હતી. ગેમ ક્વિટ કરવાનો નિર્ણય લીધા બાદ દર્શકોને સાચો જવાબ જણાવવા કોઈ એક ઓપ્શન પર તેમણે પસંદગી ઉતારવાની હતી. જેમાં તેમણે ઓપ્શન A પસંદ કર્યો હતો અને આ જવાબ સાચો હતો.