નિર્મલા સૂદે ડિઝાઈન કર્યા હતા 'કોમોલિકા'ના લુક્સ
ઉર્વશીને કોમોલિકા બનાવવા માટે સ્ટાઈલિસ્ટ નિર્મલા સૂદે જ દરેક લૂક્સ ડિઝાઈન કર્યા હતાં. જેને ખૂબ જ પસંદ કરવામાં આવ્યા હતાં. જોકે, શું તમે એ જાણો છો કે ઉર્વશીએ શોમાં એકતા કપૂરના માતાના બ્લાઉઝ પણ પહેર્યા હતાં?
એકતાના મમ્મીના બ્લાઉઝ ઢીલા કરીને પહેરતી હતી ઉર્વશી
'સ્પોટબોય'ના એક રિપોર્ટ અનુસાર, ઉર્વશીએ જણાવ્યું કે તે સમયે શોભા કપૂર એકદમ યુવાન હતા અને ખૂબ સ્ટાઈલિશ બ્લાઉઝ પહેરતા હતાં. કોમોલિકાના રોલ માટે અનેકવાર ઉર્વશી શોભા કપૂરના બ્લાઉઝ પણ ઢીલા કરાવીને પહેરતી હતી.
ટ્રેન્ડમાં આવી ગયા હતા કોમોલિકાના લુક્સ અને સ્ટાઈલ
નોંધનીય છે કે ઉર્વશી ધોળકિયા દ્વારા નિભાવવામાં આવેલું 'કોમોલિકા'નું કેરેક્ટર માત્ર એક્ટિંગ જ નહીં પરંતુ સ્ટાઈલિશ ડ્રેસિંગ સેન્સ અને ગેટઅપ માટે પણ યાદ કરવામાં આવે છે. કોમોલિકા દ્વારા પહેરવામાં આવેલા ટ્રેન્ડી બ્લાઉઝ સાડી અને આઈ મેકઅપ પણ તે સમયે ટ્રેન્ડમાં આવ્યા હતાં.
હિના ખાન અને આમના શરીફ પણ બની 'કોમોલિકા'
હિના ખાન અને આમના શરીફે પણ કોમોલિકાનો રોલ પ્લે કર્યો હતો. બન્નેએ 'કસૌટી ઝિંદગી કી'ના નવા વર્ઝનમાં ઉર્વશી ધોળકિયાનો રોલ કર્યો હતો. પહેલા હિના ખાન કોમોલિકાના રોલમાં હતી પરંતુ પછીથી કોઈ કારણોસર તેણે શો છોડી દીધો. જે પછી કોમોલિકાનો રોલ આમના શરીફને મળ્યો હતો.