એક વર્ષ સુધી રિલેશનશિપમાં રહ્યા બાદ બોયફ્રેન્ડથી અલગ થઈ આ ટીવી એક્ટ્રેસ

લોકડાઉનનો સમયગાળો સૌ કોઈ માટે પડકારજનક હતો, પરંતુ અંજુમ ફકીમ માટે વધુ મુશ્કેલ હતો કારણ કે તેનું બ્રેકઅપ થયું છે. હાલ 'કુંડલી ભાગ્ય'માં જોવા મળી રહેલી એક્ટ્રેસ આરજે અને એક્ટર કેતન સિંહને ડેટ કરી રહી હતી. જો કે, એક વર્ષ સુધી રિલેશનશિપમાં રહ્યા બાદ માર્ચ મહિનામાં તેમના વચ્ચેના સંબંધો પર પૂર્ણ વિરામ મૂકાઈ ગયું હતું.

કપલના નજીકના સૂત્રોએ અમારા સહયોગી ટાઈમ્સ ઓફ ઈન્ડિયાને જણાવ્યું હતું કે, 'થોડા મહિના સુધી ડેટિંગ કર્યા બાદ અંજુમે કેતન સાથેના સંબંધોનો જાહેરમાં સ્વીકાર કર્યો હતો. પરંતુ આગળ જતાં બંને વચ્ચે કોઈ વિવાદ થતાં એક્ટ્રેસે કેતનથી અલગ થવાનો નિર્ણય લીધો હતો અને ત્યારથી બંને વચ્ચે કોઈ વાતચીત થઈ નથી'. આટલું જ નહીં અંજુમ અને કેતને પણ આ મામલે ટિપ્પણી કરવાની ના પાડી દીધી હતી.

આ મહિનાના જાન્યુઆરી મહિનામાં TOIને આપેલા એક ઈન્ટરવ્યૂમાં અંજુમે કહ્યું હતું કે, 'મેં અને કેતને સાથે 2020ના વર્ષનું સ્વાગત કર્યું હતું અન ખરેખર મજા આવી હતી. હા, તે મારા માટે એક મિત્ર કરતાં પણ વધુ છે અને હું મારા જીવનના આ સમયગાળાને માણી રહી છું'.

બંનેની પહેલી મુલાકાતને યાદ કરતાં અંજુમે કહ્યું હતું કે, ' ફેબ્રુઆરી 2019માં મેં તેને એક અવોર્ડ ફંક્શન હોસ્ટ કરતા જોયો હતો અને હું તેના ટેલેન્ટથી ઈમ્પ્રેસ થઈ હતી. એન્કર સિવાય તે એક્ટર, આરજે અને કોમેડિયન પણ છે. અમારી વચ્ચે મુલાકાત થઈ તેના કેટલાક અઠવાડિયા સુધી તો હું તેની સાથે વાત કરવાની હિંમત એકઠી કરી શકી નહીં. પરંતુ બાદમાં અમે એકબીજા સાથે નંબર શેર કર્યો અને ફ્રેન્ડ્સ બન્યા'.

કેતનની કઈ વાતથી તને તેના પ્રત્યે આકર્ષણ થયું તેમ પૂછતાં એક્ટ્રેસે કહ્યું કે, 'મને તેનું સેન્સ ઓફ હ્યુમર ખૂબ ગમ્યું. જ્યારે તે મારી સાથે હોય ત્યારે હું હસતી રહી છું. તે મેચ્યોર પણ છે. મેં મોટાભાગે મારા કરતાં નાની ઉંમરના છોકરાઓ સાથે ડેટિંગ કર્યું છે. પરંતુ કેતન મારા કરતા મોટો છે જે સારી બાબત છે કારણ કે, કોઈ પણ સ્થિતિને સારી રીતે તે જોઈ શકે છે'.

જ્યારે કેતનને પૂછવામાં આવ્યું તો તેણે કહ્યું હતું કે, 'અંજુમ સારા સ્વભાવની છોકરી છે અને સમય ક્યાં જતો રહ્યો ખબર જ ન પડી. અમે હાલ સાથે છીએ અને એકબીજાની કંપની માણીએ છીએ'