દત્તક બાળકોનું ધ્યાન ન રાખતી હોવાનો માહી વિજ પર આરોપ, એક્ટ્રેસે આપ્યો જવાબ

ટીવી કપલ માહી વિજ અને જય ભાનુશાળી ત્રણ બાળકોના માતા-પિતા છે. તારા તેમની બાયોલોજિકલ ચાઈલ્ડ છે જ્યારે ખુશી અને રાજવીર તેમના કેરટેકરના બાળકો છે, જેમને તેમણે દત્તક લીધા છે. તારાના જન્મ બાદ કપલ પર ઘણીવાર આરોપ લાગ્યો છે કે, તેઓ માત્ર તેમની દીકરીનું જ ધ્યાન રાખે છે જ્યારે ખુશી અને રાજવીરની સહેજ પણ દેખરેખ રાખતા નથી.


ટ્રોલર્સની આ વાતથી કંટાળેલી માહી વિજે પોતાના સોશિયલ મીડિયા અકાઉન્ટ પર કેટલીક સ્ટોરી શેર કરી છે. જેમાં તેણે ટ્રોલર્સને 'દુઃખી અને નિરાશ' તેમજ 'ઝીરો કોન્ફિડન્સ' ધરાવતા રહ્યા છે. તેણે વધુમાં કહ્યું છે કે, જો તેઓ પોતાના જીવનમાં ખુશ અને સંતુષ્ટ હોત તો બીજાના જીવનમાં આમ દખલગીરી કરત નહીં અને નીચા પાડત નહીં.


માહીએ આ બધી બાબતો પર ખુશી અને રાજવીરના પિતાનું રિએક્શન કેવું હતું તેના પર પણ વાત કરી છે. તેણે કહ્યું કે, જ્યારે તેણે આ વિશે બંને બાળકોના પિતાને જાણ કરી તો તેમણે ટ્રોલર્સને 'સ્પીડી રિકવરી'ની શુભેચ્છા પાઠવી. ખુશી અને રાજવીરના પિતાએ તેમ પણ કહ્યું કે, લોકોએ બીજાના જીવનમાં દખલગીરી કરવા કરતાં પોતાનું કામ સંભાળીને બેસવું જોઈએ.

થોડા દિવસ પહેલા જ જય અને માહી પોતાની દીકરી સાથે ગોવા વેકેશન પર ગયા હતા.

જય અને માહીએ 2010માં લગ્ન કર્યા હતા અને લગ્નના નવ વર્ષ બાદ એટલે કે 2019માં તેમના ઘરે પારણું બંધાયું હતું. આ પહેલા તેમણે ખુશી અને રાજવીરને અડોપ્ટ કર્યા હતા.

ખુશી અને તેનો ભાઈ રાજવીર હાલ તેમના વતનમાં છે. તેઓ માહી, જય અને તારાને ખૂબ મિસ કરી રહ્યા છે. તેથી ખુશીએ માહી માટે એક ઈમોશનલ વીડિયો શેર કર્યો હતો.

ટ્રોલર્સ ભલે ગમે તે કહે પરંતુ જય અને માહી તેમના બાળકો વચ્ચે ક્યારેય ભેદભાવ કરતા નથી. કપલ ઘણીવાર ત્રણેય બાળકો સાથે મસ્તી કરતી તસવીરો શેર કરતાં રહે છે. સોશિયલ મીડિયા પોસ્ટ જ તે વાતની સાબિતી આપે છે કે કપલ ખુશી અને રાજવીરને કેટલો પ્રેમ કરે છે.