યે ભી ઠીક હૈઃ લગ્ન કરવા જઈ રહ્યો છે 'મિર્ઝાપુર 2'નો 'રોબિન', કોણ છે તેની દુલ્હન?

પોપ્યુલર ઈન્ડિયન વેબ સીરિઝમાંથી એક 'મિર્ઝાપુર'ની બીજી સીઝનમાં રોબિનનો રોલ પ્લે કરનાર એક્ટર પ્રિયાંશુ પેનયુલી પોતાની લોન્ગ ટાઈમ ગર્લફ્રેન્ડ અને એક્ટર-ડાન્સર વંદના જોશી સાથે લગ્ન કરવા જઈ રહ્યો છે. પ્રિયાંશુ અને વંદનાના લગ્ન 26મી નવેમ્બરે થવાના છે. આ લગ્ન પ્રિયાંશુના વતન દેહરાદૂનમાં થવાના છે. આ દરમિયાન કોવિડ-19ના તમામ નિયમોનું પાલન કરવામાં આવશે. ડિસેમ્બરના બીજા અઠવાડિયામાં કપલ મુંબઈમાં રિસેપ્શન યોજશે તેવું કહેવાઈ રહ્યું છે.


પ્રિયાંશુ અને વંદનાના ઘરે મહેંદી રસમની સાથે પ્રી-વેડિંગ ફંક્શનની શરુઆત થઈ ચૂકી છે. વંદનાએ સોશિયલ મીડિયા પર હાથમાં મહેંદી મૂકી હોય તેવી તસવીર શેર કરી છે. આ સાથે તેણે લખ્યું છે કે, 'શરુઆત થઈ ચૂકી છે. મહેંદીની રાત'. થનારી પત્નીની પોસ્ટ પર કોમેન્ટ કરતાં પ્રિયાંશુએ લખ્યું છે કે, 'ઓકે. તો પછી આ સમય સુંદર છે 😍🤗'.


પ્રિયાંશુ આ વર્ષની શરુઆતમાં જ લગ્ન કરવા ઈચ્છતો હતો પરંતુ મહામારીના કારણે તેમ થઈ શક્યું નહીં. પ્રિયાંશુ અને વંદનાના લગ્નમાં માત્ર 50 સભ્યો જ હાજર રહેવાના છે, જેમાં બંને પક્ષ તરફથી 25-25 મહેમાન આવશે. આજે (25 નવેમ્બર) સંગીત અને કોકટેલ પાર્ટી થવાની છે. 27મી નવેમ્બરે શુક્રવારે દેહરાદૂનમાં રિસેપ્શન યોજાશે.


પ્રિયાંશુએ કહ્યું કે, તે ડિસેમ્બરના પહેલા અઠવાડિયામાં મુંબઈ આવશે, જ્યાં ફિલ્મ ઈન્ડસ્ટ્રીના નજીકના મિત્રો માટે રિસેપ્શન કરશે. પ્રિયાંશુ અને વંદનાની મુલાકાતની વાત કરીએ તો, મુંબઈમાં 2013માં થિયેટર કરતી વખતે બંને મળ્યા હતા. ત્યારે બંને કોરિયોગ્રાફર વૈભવી મર્ચંટના મ્યૂઝિકલ પ્લે તાજ એક્સપ્રેસમાં સાથે કામ કરી રહ્યા હતા. આ પ્લેમાં બંનેએ લીડ રોલ પ્લે કર્યો હતો.

વર્કફ્રંટની વાત કરીએ તો, પ્રિયાંશુની અપકમિંગ ફિલ્મ 'રશ્મિ રોકેટ છે', જેમાં તે તાપસી પન્નૂ સાથે જોવા મળશે. આ સિવાય તે કેટલીક વેબ સીરિઝમાં પણ કામ કરી રહ્યો છે. પ્રિયાંશુએ 'ભાવેશ જોશી સુપરહીરો', 'હાઈ જેક', 'વન્સ અગેન', 'અપસ્ટાર્ટ્સ' બાદ પ્રિયાંશુએ હોલીવુડ સ્ટાર ક્રિસ હેમ્સવર્થ સાથે 'એક્સટ્રેક્શન'માં પણ કામ કર્યું છે. મિર્ઝાપુર 2' રિલીઝ થઈ પછી પ્રિયાંશુના પાત્ર રોબિનને જાણે કમાલ કરી દીધી છે. શોમાં તેનો ડાયલોગ 'યે ભી ઠીક હૈ' લોકોના મોંઢે ચડી ગયો છે.