બિગ બોસના ઘરમાં ઉછળ્યો નેપોટિઝમનો મુદ્દો, રાહુલ વૈદ્યએ લીધું જાન કુમાર સાનુનું નામ

વર્ષ 2020માં બોલિવૂડ અને ફિલ્મ ઈન્ડસ્ટ્રીને લઈને ઘણી બધી ઘટનાઓ બની. તેમાં પણ સૌથી વધારે નેપોટિઝમનો મુદ્દો ચર્ચામાં રહ્યો. આ મુદ્દાને લઈને કંગના રનૌત સહિત ઘણા સેલેબ્સ પોતાનો મત વ્યક્ત કરી ચૂક્યા છે. હવે આ મામલો બિગ બોસ 14ના ઘરમાં પહોંચી ગયો છે .અહીં પણ નેપોટિઝમનો મુદ્દો ઉછળ્યો છે. આ વાતને લઈને હવે ઘરમાં મોટી બાબાલ થવાની છે.

હકીકતમાં બિગ બોસના નવા એપિસોડનો એક પ્રોમો સામે આવ્યો છે. જેમાં બતાવાયું છે કે રાહુલ વૈદ્ય અન્ય ખેલાડીઓને એલિમિનેટ કરી રહ્યો છે. આ દરમિયાન તે સૌથી પહેલા જાન કુમાર સાનુનું નામ લે છે. રાહુલ કહે છે કે, જેને હું નોમિનેટ કરવા ઈચ્છું છે, તે છે જાન. મને નેપોટિઝમથી ખૂબ નફરત છે.' તેની આ કમેન્ટ પર ઘરના સદસ્યો ખૂબ જ ગંભીર રિએક્શન આપતા દેખાઈ રહ્યા છે.


આ બાદ ઘરમાં ખૂબ ધમાલ મચી જાય છે. અન્ય કન્સેસ્ટન્ટ આ વાતને દુર્ભાગ્યપૂર્ણ ગણાવે છે. ત્યારે જાન કહેતા દેખાય છે કે, 'હું સૌભાગ્યશાળી છું કે તે મારા પિતા છે.' જ્યારે રાહુલ વૈદ્ય કહેતા દેખાય છે કે, મને આ વાતથી કોઈ ફરક નથી પડતો કે મારા પિતા શું કરે છે? વિડીયોમાં દેખાઈ રહ્યું છે કે આ મામલે જાન ખૂબ ગુસ્સે થઈ જાય છે. તે કહે છે, બાપ પર ના જતો. ના તારી હેસિયત છે.' રાહુલ અને જાન વચ્ચેની વાત મારામારી સુધી પહોંચી જાય છે.

ઉલ્લેખનીય છે કે જાન કુમાર સાનુના પિતા કુમાર સાનુ એક જાણીતા સિંગર છે. જ્યારે રાહુલ વૈદ્ય ઈન્ડિયન આઈડલની પહેલી સીઝનમાં હતો. બંને એક જ ફિલ્ડથી છે. એવામાં નેપોટિઝમનો મુદ્દો ખૂબ ગંભીર થતો દેખાઈ રહ્યો છે. જો આ મુદ્દો ઉઠે છે તો તેનું રિએક્શન ઘરની બહારના દર્શકો વચ્ચે જોવા મળી શકે છે. જ્યારે આવનારા સમયમાં ઘરમાં વધારે હંગામો જોવા મળી શકે છે.