Bigg boss 14: શાનદાર દેખાવા નિક્કી તંબોલીએ રાખ્યા 3 સ્ટાઈલિસ્ટ, 18 લહેંગા સાથે મારી એન્ટ્રી

સાઉથની ફિલ્મ એક્ટ્રેસ નિક્કી તંબોલી 'બિગ બોસ 14' માં પહેલા જ દિવસથી ચર્ચામાં રહી છે. એક ટાસ્ક દરમિયાન તોફાની સીનિયર સિદ્ધાર્થ શુક્લા સાથે તેની નજદીકીઓના કારણે લોકોનું ધ્યાન ખેંચ્યુ હતું. નિક્કી તંબોલી બિગ બોસના ઘરમાં વારંવાર લડતા જોવા મળે છે. જોકે, આ દરમિયાન તે પોતાની જાતને સ્ટાઇલિશ અને સુંદર દેખાડવાની તક પણ નથી છોડી રહી. આ માટે તેણે અગાઉથી તૈયારી પણ કરી લીધી છે.

3 સ્ટાઈલિશ પણ રાખ્યા
bigg boss 14માં જતા પહેલા નિક્કી તંબોલીએ ઈટાઈમ્સ ટીવી સાથે વાતચીતમાં જણાવ્યું કે તે બિગ બોસના ઘરમાં એકદમ સ્ટાઈલિશ લાગે તેવું ઈચ્છતી હતી. આ કારણે તેણે 3 સ્ટાઈલિશ રાખ્યા અને 18 લહેંગા લઈને બિગ બોસના ઘરમાં આવી છે. નિક્કી તંબોલીએ કહ્યું કે,'હું ગત 2 મહિનાથી આઉટફીટ્સ ફાઈનલ કરી રહી છું. મેં 3 સ્ટાઈલિસ્ટ રાખ્યા અને તેમને જણાવ્યું કે બિગ બોસમાં મારે એકદમ શાનદાર લાગવું છે. મારા ચાહકો મારી પાસેથી ઘણી અપેક્ષા રાખે છે અને હું તેમને નિરાશ કરવા નથી ઈચ્છતી.'


18 લહેંગા સાથે મારી એન્ટ્રી
નિક્કીએ કહ્યું હતું કે, 'મને તૈયાર થવું ખૂબ જ ગમે છે. જેથી મેં મારા કપડા પર ખૂબ જ મહેનત કરી છે. માત્ર વીકેન્ડ એપિસોડ જ નહીં પરંતુ મારે રોજ લહેંગા પહેરવા છે અને એટલે જ એક મહિના માટે હું 18 લહેંગા લઈને આવી છું.'

'બિગ બોસ 14'ની પહેલી કન્ફર્મ કન્ટેસ્ટન્ટ બની નિક્કી
નોંધનીય છે કે નિક્કી તંબોલી હવે 'બિગ બોસ 14'ની પહેલી કન્ફર્મ કન્ટેસ્ટન્ટ બની છે. એટલે કે નિર્ણય લેવા માટે તે હવે તોફાની સીનિયર્સ સાથે હશે. નિક્કીએ તો હવે સ્પેશ્યિલ પાવરનો ઉપયોગ કરવાનું પણ શરુ કરી દીધું છે.

શું 'બિગ બોસ 14'માં સાચો પ્રેમ શોધી શકશે નિક્કી?
નિક્કીને જ્યારે પૂછવામાં આવ્યું કે શું તે 'બિગ બોસ 14'માં સાચ્ચો પ્રેમ મેળવી શકશે તો તેણે જવાબમાં કહ્યું કે,'હું જાણું છું કે, ઘણાં લોકો માત્ર શોમાં લાંબો સમય સુધી ટકી રહેવા માટે જ લવસ્ટોરી બનાવે છે પરંતુ ઘર જેવું વાતાવરણ છે અને જો તમને હકીકતમાં સાચ્ચે જ એવું કોઈ વ્યક્તિ મળી જાય તો તમને પ્રેમ થઈ શકે છે. આ એકદમ સાહજીક છે. અને મને નથી લાગતું કે કંઈ ખોટું હોય. મને નથી લાગતું કે કોઈ લાંબા સમય સુધી પ્રેમનું નાટક કરી શકે છે અથવા તો લાગણીઓનો ખોટો દેખાડો કરી શકે છે. જો કોઈ પસંદ આવી ગયું તો હું પ્રેમની લાગણી વ્યક્ત કરવામાં જરાપણ પાછી નહીં પડું'