'સરોજની'ની શાઈની દોષી હવે જોવા મળશે ગ્લેમરસ લૂકમાં

નવગુજરાત સમય. કોમ, અમદાવાદ

ટીવી સીરિયલ સરોજનીથી જાણીતી થયેલી બ્યૂટીફુલ એક્ટ્રેસ શાઈની દોષી કે જે મોટાભાગે સાડી અને અનારકલીમાં જોવા મળતી હતી, તે હવે ‘બહૂ હમારી રજનીકાંત’ નામની સીરિયલમાં ગ્લેમરસ અવતારમાં જોવા મળશે.

શોમાં શાઈની દોષી શાન (કરણ વી ગ્રોવર)ની પૂર્વ ગર્લફ્રેન્ડ સમાયરાની ગ્લેમરસ ભૂમિકામાં જોવા મળશે. આ પહેલાના શો સતી સાવિત્રીમાં વહુની ભૂમિકા નિભાવનાર આ બ્યૂટીફુલ એક્ટ્રેસ પોતાની પહેલાની ભૂમિકાઓથી અલગ ‘બહૂ હમારી રજનીકાંત’ના એક એપિસોડમાં એક બોલ્ડ સ્વિમસ્યૂટ પહેરેલી જોવા મળશે.

આ સીરિયલ વિશે વાત કરતા શાઈનીએ કહ્યું કે, ‘હું આ ભૂમિકાને લઈને ઘણી ઉત્સાહિત છું, કેમકે આ મારી અત્યાર સુધી નિભાવેલી ભૂમિકાઓ કરતા અલગ છે. આ પાત્ર માટે હા કહેવાનું અન્ય એક કારણ એ હતું કે, મારું પાત્ર શાનની જિંદગીમાં વધુ ડ્રામાને જોડે ચે અને મને એ કરવાની તક આપે છે જે મેં પહેલા નથી કર્યું.’ તેણે કહ્યું કે, ‘શરૂઆતમાં મને પરદા પર સ્વિમસ્યૂટ પહેરવામાં ખચકાટ થઈ રહ્યો હતો, પરંતુ ધીરે-ધીરે મને અનુભવાયું કે એ મારા પાત્ર માટે છે અને મારે ખચકાયા વિના કરવું જોઈએ.’