શિવાંગી જોશીએ વર્ણવ્યો 'યે રિશ્તા ક્યા કહેલાતા હૈ'માં કામ કરવા અંગેનો અનુભવ

પોપ્યુલર ટીવી સીરિયલ 'યે રિશ્તા ક્યા કહેલાતા હૈ'માં હાલ લીડ રોલ પ્લે કરી રહેલી એક્ટ્રેસ શિવાંગી જોશીનું માનવું છે કે, આઈકોનિક શોનો ભાગ બનવું તે એક આશીર્વાદ છે. શોએ મંગળવારે 12 વર્ષ તેમજ 3300 એપિસોડ પૂરા કર્યા હતા. આ સાથે જ તે આજ સુધીમાં ટીવી પર લાંબા સમયથી ચાલી રહેવા શોમાંથી એક બની ગયો છે.

'લાગણી અદ્દભુત અને મહાન છે. મને કેટલાક સારા એક્ટર્સ અને ક્રૂ સાથે કામ કરવાનું સૌભાગ્ય મળ્યું છે, જે મેં પહેલા ક્યારેય કર્યું નથી. યે રિશ્તા ક્યા કહેલાતા હૈનો ભાગ બનવું તે મારા માટે આશીર્વાદ છે', તેમ નાયરાનો રોલ પ્લે કરનાર શિવાંગી જોશીએ એક ન્યૂઝ એજન્સી સાથે વાતચીત કરતાં કહ્યું હતું.

એક્ટરના જણાવ્યા પ્રમાણે, શોની USP'સુંદર ડિરેક્શન, અદ્દભુત સ્ક્રીપ્ટરાઈટિંગ, સ્ટોરી ટેલિંગ અને પ્રોડ્યૂઝર રાજન શાહી સર તેમજ મેન્ટરનું વિઝન છે'.

નાયરાનો રોલ પ્લે કરી રહેલી શિવાંગી જોશીની ફેન્સ ફોલોઈંગ ખૂબ જ મોટી છે. દર્શકોને મેલ લીડ કેરેક્ટર કાર્તિક સાથેની તેની કેમેસ્ટ્રી પણ પસંદ આવી રહી છે. ઉલ્લેખનીય છે કે, સીરિયલમાં કાર્તિકનો રોલ મોહસિન ખાન નિભાવી રહ્યો છે. ફેન્સને બંનેની જોડી એટલી ગમી ગઈ છે કે, તેમણે ઓન-સ્ક્રીન કપલને 'કાયરા'નું હુલામણું નામ આપ્યું છે.

શોની વિશેષ પળો વિશે વાત કરતાં, શિવાંગી જોશીએ કહ્યું કે, 'મને લાગે છે કે, મારા માટે દરેક સીન ખાસ છે, પરંતુ જો ફેવરિટ ક્ષણોની વાત કરીએ તો, હું કાયરા મોમેન્ટ્સ અને ગ્રીસ તેમજ રાજસ્થાનના પર્ફોર્મન્સની વાત કરીશ. તે એક રોમાંચક અનુભવ હતો'.

ગયા વર્ષે લોકડાઉનના કારણે સીરિયલને પણ ફટકો પડ્યો હતો, પરંતુ શિવાંગીનું કહેવું છે કે, તે અનુભવથી વધુ મજબૂત બનીને બહાર આવી છે.

'દરેક દિવસ શીખવાનો, યાદ કરવાનો અને દૂર જવાનો પાઠ શીખવે છે, તે પછી વર્કિંગ દિવસ હોય કે રજાનો દિવસ. ગયા વર્ષે મને મારા કામથી ઘણા મહિનાઓ દૂર રાખી પરંતુ પરિવાર સાથે ફરીથી મળી શકી. મેં મારી જાત પર કામ કર્યું, થોડું ઘરકામ શીખી અને મારી જાત સાથે સમય પસાર કર્યો. આ બેસ્ટ લાગણીઓ છે, જેનો અનુભવ દરેકે શીખવા જેવો છે'.