'તારક મેહતા..'ના 'મિસ્ટર ભિડે' દુબઈમાં હતા એન્જિનિયર, એક્ટિંગ માટે છોડી દીધી નોકરી

I am Gujarat

આત્મારામ તુકારામ ભિડે

‘તારક મેહતા કા ઉલ્ટા ચશ્મા’ ટીવી શો આજે પણ ખૂબ જ પોપ્યુલર શો છે અને વર્ષોથી દર્શકોના દિલ પર રાજ કરી રહ્યો છે. આ શોના કલાકારોને પણ ઘર ઘરમાં જાણીતા બની ગયા છે. આત્મારામ તુકારામ ભિડે પણ એક એવું જ પાત્ર છે. જેને એક્ટર મંદાર ચંદવાદકરે નિભાવ્યું છે.

દુબઈમા એન્જિનિયરની નોકરી

એક ઈન્ટરવ્યૂમાં મંદાર ચંદવાદકરે જણાવ્યું હતું કે, એક્ટિંગને કારણે તેમણે નોકરી છોડી દીધી. તેણે કહ્યું હતું કે, મેં 2008 સુધી સંઘર્ષ કર્યો. હું એક મિકેનિકલ એન્જિનિયર છું અને દુબઈમાં કામ કરતો હતો. મેં ત્યાં નોકરી છોડી 2000માં ભારત આવ્યો કે જેથી એક્ટિંગનું સપનું પૂરું કરી શકું.

8 વર્ષ સુધી કર્યું સ્ટ્રગલ

‘મારામાં બાળપણથી જ એક્ટિંગ કરવાનું જનૂન હતું. મેં અનેક થિયેટર પ્લે કર્યા, પરંતુ તેવી તક નહોતી મળી જેવી હું ઈચ્છતો હતો. 8 વર્ષના સ્ટ્રગલ બાદ મને 2008માં ‘તારક મેહતા કા ઉલ્ટા ચશ્મા’માં બ્રેક મળ્યો.’

‘તારક મેહતા..’એ બદલી નાંખ્યું જીવન

મંદારે વધુમાં જણાવ્યું કે ‘તારક મેહતા કા ઉલ્ટા ચશ્મા’ને કારણે તેમનું જીવન સંપૂર્ણ રીતે બદલાઈ ગયું. આ શોથી મને ઓળખ મળી.

‘બિગ બી’ થી લઈને સલમાન, શાહરુખ સાથે કર્યું કામ

મંદાર ચંદવાદકર પોતાને ખુબ નસીબદાર માને છે. ‘તારક મેહતા…’ને કારણે અમિતાભ બચ્ચન, સલમાન ખાન અને શાહરુખ જેવા સુપરસ્ટાર સાથે કામ કરવાની તક મળી.