TMKOCમાં લાંબા સમય બાદ પાછા ફર્યા 76 વર્ષના નટુ કાકા, ટીમ માટે બન્યા પ્રેરણારુપ

'તારક મહેતા કા ઉલ્ટા ચશ્મા'ના ડિરેક્ટર માલવ રાજદાએ સીરિયલના શૂટમાંથી BTS (બીહાઈન્ડ-ધ-સીન) તસવીર શેર કરી છે. જેમાં ઘનશ્યામ નાયક ઉર્ફે નટુ કાકા તેમનો સીન ભજવતા જોવા મળી રહ્યા છે. તે લાંબા સમય બાદ બન્યું કે, નટુ કાકા શુક્રવારના એપિસોડમાં જોવા મળ્યા હતા.


માલવ રાજદાએ ઘનશ્યામ નાયકને તેમની ટીમ માટેના 'પ્રેરણાસ્ત્રોત' ગણાવ્યા છે. નટુ કાકાના ગેટઅપમાં તેમની તસવીર શેર કરતાં માલવે લખ્યું છે કે, 'તેઓ આખી ટીમ માટે પ્રેરણારુપ છે...અમે તમને પ્રેમ કરીએ છીએ નટુ કાકા...સૌથી શ્રેષ્ઠ ભાગ એ છે કે, આપણે સૌ તેમની સાથે સંબંધિત છીએ...પગાર કબ બઢેગી શેઠજી 🤣🤣🤣'.

76 વર્ષીય આ જાણીતા એક્ટરે મહામારી અને તેમની સર્જરીના કારણે લાંબા સમય સુધી શૂટથી દૂર રહેવું પડ્યું હતું. તેણે ગયા વર્ષના ડિસેમ્બર મહિનામાં 9 મહિનાના લાંબા સમય બાદ શોટ આપ્યો હતો.


તેમણે કહ્યું હતું કે, 'હું દરેક એપિસોડ જોતો હતો અને સેટ પર પાછા ફરવાની રાહ જોતો હતો. મારું કેરેક્ટર શોમાં સૌથી સીનિયર છે અને તેથી દરેક સેટ પર મને માન પણ આપે છે. હું આસિત મોદીની તારક મહેતા કા ઉલ્ટા ચશ્માની ટીમ સાથે 12 વર્ષથી કામ કરું છું. મેં નટુકાકાના કેરેક્ટર પર એટલી મહેનત કરી છે કે રસ્તા પરથી પસાર થતી વ્યક્તિ પણ મને ઓળખી જાય છે. કોઈ અન્ય પ્રોજેક્ટ સ્વીકારવો મારા માટે અશક્ય હશે અને મને તેની જરુરિયાત લાગતી નથી. મને નટુકાકાનો રોલ કરવો ગમી રહ્યો છે કારણ કે મારા કેરેક્ટરને પ્રેમ મળ્યો છે અને દર્શકો પણ તેની સાથે કનેક્ટ થઈ રહ્યા છે. મારી સર્જરી બાદ, ભગવાનના આશીર્વાદના કારણે જ હું કામ પર પરત ફરી શક્યો અને હું આભારી છું કે દર્શકો મને ફરીથી જોઈ શક્યા'.


ઘનશ્યામ નાયક એટલે કે નટુ કાકાએ ચાઈલ્ડ આર્ટિસ્ટ તરીકે 1960માં આવેલી ફિલ્મ 'માસૂમ'થી કરિયરની શરુઆત કરી હતી. ત્યારથી લઈને અત્યાર સુધી તે એક્ટિંગમાં સક્રિય છે. આશરે 60 વર્ષના કરિયરમાં ઘનશ્યામ નાયકે હિંદી ફિલ્મ્સ અને ટીવીથી લઈને ગુજરાતી ફિલ્મ્સમાં પણ કામ કર્યું છે. એક્ટરે આશરે 200 ગુજરાતી અને હિંદી ફિલ્મ્સમાં કામ કર્યું છે. બોલિવૂડમાં તેમણે 'બરસાત', 'ઘાતક', 'ચાઈના ગેટ', 'હમ દિલ દે ચૂકે સનમ', 'તેરા જાદૂ ચલ ગયા', 'લજ્જા', 'તેરે નામ', 'ચોરી ચોરી' અને 'ખાખી' જેવી ફિલ્મ્સ કરી છે.