'જેઠાલાલ'ને યાદ આવ્યા વીતેલા દિવસો, આ સિંગર સાથેની 26 વર્ષ જૂની તસવીર શેર કરી

'તારક મહેતા કા ઉલ્ટા ચશ્મા'માં જેઠાલાલનો રોલ પ્લે કરી રહેલા દિલીપ જોશીને દર્શકો તરફથી ખૂબ પ્રેમ મળી રહ્યો છે. આજે તેઓ ઘર-ઘરમાં જાણીતા થઈ ગયા છે. ખૂબ ઓછા લોકોને તેમના રિયલ નામ વિશે જાણ હશે. આમ તો તેઓ સોશિયલ મીડિયાથી દૂર જ હતા. પરંતુ ફેન્સના આગ્રહથી તેમણે હાલમાં જ ઈન્સ્ટાગ્રામ પર અકાઉન્ટ ખોલ્યું છે. જેના પર તેઓ પોતાની જૂની યાદો શેર કરતાં રહે છે.



દિલીપ જોશીએ હાલમાં જ તેમની 26 વર્ષ જૂની તસવીર શેર કરી છે. આ તસવીરની સાથે તેમણે 1994ની એક ખાસ યાદ પણ જણાવી છે. આ તસવીરમાં તેઓ યંગ લાગી રહ્યા છે. પોસ્ટમાં તેમણે અન્ય એક તસવીર પણ જોવા મળી છે. જેમાં તેઓ કોઈ યુવક સાથે જોવા મળી રહ્યા છે. આ યુવક વિશે તેમણે કેપ્શનમાં જણાવ્યું છે.

કેપ્શનમાં તેમણે લખ્યું છે કે, 'જરા હટકે (1994 Zee TV). આ પહેલીવાર હતું જ્યારે મને એક લીડિંગ શોની જવાબદારી મળી હતી, આ સારા સજ્જનની સાથે. તેઓ એકલા જ નહોતા. હું મારી જાતને નસીબદાર માનું છું કે તે સમયે તેમની સાથે કામ કરી શક્યો. સૌભાગ્યથી સેટ પર તેમના સોન્ગ સાંભળી શક્યો. આ ચીજોથી લેજેન્ડ બનવાના ઘણા પહેલા'. જો તમે તસવીર પરથી યુવકને નથી ઓળખી શક્યા તો જણાવી દઈએ કે તે સિંગર લકી અલી છે.

જુઓઃ 'તારક મહેતા...'ના કલાકારો કેટલું ભણેલા છે,જાણો છો?