'તારક મહેતા કા ઉલ્ટા ચશ્મા'માં ધામધૂમથી ઉજવાશે ગણેશોત્સવ, ટપુ સેનાએ કરી ખાસ તૈયારી

I am Gujarat

તારક મહેતા કા ઉલ્ટા ચશ્મા

સબ ટીવી પર પ્રસારિત થતો પોપ્યુલર કોમેડી શો ‘તારક મહેતા કા ઉલ્ટા ચશ્મા’ છેલ્લા 11 વર્ષથી દર્શકોને મનોરંજન પીરસી રહ્યો છે. આ શોની સૌથી ખાસ વાત એ છે કે તેમાં દરેક ઉત્સવ ધામધૂમથી ઉજવવામાં આવે છે. દિવાળી, હોળી, ઈદ, ક્રિસમસ, ન્યૂ યર, પારસીનું નવુ વર્ષ પણ ઉજવવામાં આવે છે.

ધામધૂમથી ઉજવાશે ગણેશોત્સવ

હાલ શોમાં ગણેશ ઉત્સવની ટપુ સેના દ્વારા તૈયારીઓ થઈ રહી છે, જેની કેટલીક તસવીરો સામે આવી છે.

મેચિંગ આઉટફિટમાં જોવા મળી ટપુ સેના

સોશિયલ મીડિયા પર ગણેશોત્સવ સેલિબ્રેટ કરતી ટપુ સેનાની તસવીરો વાયરલ થઈ છે. આ તસવીરોમાં ટપુ સેનાના તમામ સભ્યો મેચિંગ આઉટફિટમાં જોવા મળી રહ્યા છે. જેમાં ટપુ, ગોલી, ગોલી અને પિંકૂએ સ્કાય બ્લૂ કલરનો ઝભ્ભો અને વ્હાઈટ લેંઘો પહેર્યો છે જ્યારે સોનુએ સ્કાય બ્લૂ લહેંગો અને નેવી બ્લૂ કલરનું ક્રોપ ટોપ પહેર્યું છે.

આ વખતે કરાશે સરપ્રાઈઝ ડેકોરેશન

ગોકુલધામ સોસાયટીમાં દરેક વખતે ગણેશોત્સવ અલગ-અલગ થીમ પર સેલિબ્રેટ કરવામાં આવે છે. ટપુ સેના દર વખતે સરપ્રાઈઝ ડેકોરેશન કરે છે. આ વખતે પણ તેમણે આવું જ કંઈક કર્યું છે, પરંતુ તેની થીમનો ખુલાસો હજુ સુધી થયો નથી.

કઈ થીમ પર હશે પંડાલ?

જો કે તેની તસવીરો પરથી થીમ વિશે થોડો અંદાજ લગાવી શકાય છે. ટપુ સેના જ્યાં ઊભી છે ત્યાં પાછળ રોકેટ જોવા મળી રહ્યું છે. તેથી આ વખતની થીમ ચંદ્રયાન 2 પર આધારિત હશે તેમ કહી શકાય.

ગયા એપિસોડમાં શું થયું હતું?

તારક મહેતાના લાસ્ટ એપિસોડમાં બતાવવામાં આવ્યું હતું કે વરસાદના કારણે પંડાલ તૂટી ગયો હતો. જેના કારણે ગોકુલધામ સોસાયટીનાં સભ્યો ચિંતિત જોવા મળ્યા હતા પરંતુ બાદમાં ભગવાન ગણેશના આશીર્વાદથી બધું ઠીક થઈ જાય છે.