'તારક મહેતા કા ઉલ્ટા ચશ્મા'ના એક્ટરે શેર કરી 37 વર્ષ જૂની તસવીરો, ઓળખી બતાવો

જેઠાલાલ એટલે કે દિલીપ જોશીએ જે ફોટો શેર કર્યો છે તે ખૂબ જ જૂનો છે. તેમણે ફોટોને લઈને પોતાના સોશિયલ મીડિયા એકાઉન્ટ ઈન્સ્ટાગ્રામ પર જાણકારી પણ આપી છે. તેમણે કેપ્શનમાં લખ્યું છે, કોઈએ કહ્યું કે થ્રોબેક થર્સ-ડે ચાલી રહ્યો છે, આથી હું આ ફોટો્ઝ પોસ્ટ કરી રહ્યો છું.

દિલીપ જોશીએ લખ્યું છે, આ ફોટો 1983નો છે, જૂહુમાં મહાન પૃથ્વી થિયેટરનો ગ્રીન રૂમ, જ્યાં અમે પોતાનું નાટક 'ખેલૈયા'ના શરૂ થયાના ઠીક પહેલા ક્લિક કરાવી હતી. તેની સાથે જોડાયેલી ઘણી બધી યાદો છે. નાટકમંડળીના સદસ્યો સાથે ઘણા અનુભવ જોડાયેલા છે, ખાસ કરીને ચંદુ ભાઈ, પરેશ ભાઈ અને એક અને એક માત્ર મહેન્દ્ર જોશી.

દિલીપ જોશીએ બે ફોટો શેર કર્યા છે. બંને ફોટો બ્લેક એન્ડ વ્હાઈટ છે. પહેલી તસવીરમાં દિલીપ જોશી ખૂબ જ સોબર દેખાઈ રહ્યા છે, દાઢીની સાથે. જ્યારે બીજી તસવીરમાં તેઓ સ્ટાઈલિશ લૂકમાં દેખાય છે. માથા પર ટોપી છે, જીન્સની જેકેટ, ખુલ્લા બટનનો શર્ટ- એકદમ કાઉબોય લૂકમાં દેખાઈ રહ્યા છે.

ઉલ્લેખનીય છે કે 'તારક મહેતા કા ઉલ્ટા ચશ્મા' ટીવી શોએ 12 વર્ષ પૂરા કર્યા હતા. આ સાથે જ શોના 3000 એસિપોડ પણ પૂરા થયા છે. શોમાં જેઠાલાલ ઉપરાંત ઐય્યર, બબીતાજી, ભીડે સહિતના પાત્રો પણ ઘર-ઘરમાં ખૂબ જ જાણીતા છે. લોકડાઉન સમયથી સીરિયલનું શૂટિંગ બંધ હતું, જોકે અનલોક-1 બાદ સુરક્ષાને ધ્યાનમાં રાખીને ફરીથી નવા એપિસોડ્સનું શૂટિંગ શરૂ કરવામાં આવ્યું હતું.