નેહા કક્કડથી દિવ્યાંકા ત્રિપાઠી સુધી, આ સેલેબ્સને બ્રેકઅપ બાદ મળ્યો સાચો પ્રેમ

હાર્ટબ્રેક ક્યારેય સરળ હોતું નથી અને આમાંથી પસાર થતી વખતે જો સદાય માટેનો પ્રેમ મળી જાય તો તે આશીર્વાદથી કમ હોતો નથી. ટેલિવિઝનની કેટલીક હીરોઈનો પણ બ્રેકઅપમાંથી પસાર થઈ ચૂકી છે. જે બાદ તેમને સાચો પ્રેમ મળ્યો અને હાલ પતિ સાથે સુખી વૈવાહિક જીવન પસાર કરી રહી છે.


રુબિના દિલૈક
રુબિના દિલૈક 'છોટી બહૂ'ના કો-એક્ટર અવિનાશ સચદેવના પ્રેમમાં પડી હતી. જો કે, તે કોઈ બીજી ટીવી એક્ટ્રેસના પ્રેમમાં પડતાં તેણે તેને છોડી દીધી હતી. જે બાદ રુબિનાએ જણાવ્યું હતું કે, બ્રેકઅપ બાદ તે વધુ મજબૂત બની છે. એક્ટ્રેસ હવે અભિનવ શુક્લાની પત્ની છે અને હાલ તેની સાથે બિગ બોસ 14ના ઘરમાં છે. બંનેએ 2018માં એક્ટ્રેસના વતનમાં લગ્ન કર્યા હતા.


નેહા કક્કડ
નેહા કક્કડનું બોયફ્રેન્ડ હિમાંશ કોહલી સાથેનું બ્રેકઅપ ખાસ્સું ચર્ચામાં રહ્યું હતું. બંને 2017માં હિમાંશની એક ફિલ્મના પ્રમોશનમાં મળ્યા હતા, જેનું એક સોન્ગ નેહાએ ગાયું હતું. છુટા પડતાં પહેલા તેઓ એક વર્ષ સુધી રિલેશનશિપમાં રહ્યા હતા. બ્રેકઅપ થતાં નેહાએ સોશિયલ મીડિયા પર પોતાની દુઃખ વ્યક્ત કર્યું હતું. લોકડાઉન દરમિયાન નેહા રોહનપ્રીતને મળી હતી અને તેના પ્રેમમાં પડી હતી. બંનેએ ગયા વર્ષના ઓક્ટોબર મહિનામાં લગ્ન કર્યા હતા.


સના ખાન
બિગ બોસ ફેમ સના ખાને ફેબ્રુઆરી, 2020માં બોયફ્રેન્ડ મેલ્વિન લૂઈસ સાથે બ્રેકઅપ થયું હોવાનું જાહેર કર્યું હતું. તેણે તેના પર ઘરેલુ હિંસાનો આરોપ પણ લગાવ્યો હતો. આટલું જ નહીં, બે વર્ષ સુધી મેલ્વિનના પ્રેમમાં રહેનારી સનાએ તેની સાથે વિશ્વાસઘાત થયો હોવાનું પણ કહ્યું હતું. જે બાદ ગયા વર્ષના અંતમાં સનાને સાચો પ્રેમ મળ્યો હતો અને અનસ સૈયદ સાથે લગ્ન કર્યા હતા. હાલ બંને પોતાના જીવનમાં ખુશ છે.


દિવ્યાંકા ત્રિપાઠી
દિવ્યાંકા ત્રિપાઠી અને શરદ મલ્હોત્રા તેમના શો 'બનુ મેં તેરી દુલ્હન'ના સેટ પર મળ્યા હતા અને એકબીજાને પ્રેમમાં પડ્યા હતા. આઠ વર્ષ સુધી ડેટિંગ કર્યા બાદ 2015માં તેમનું બ્રેકઅપ થયું હતું. દિવ્યાંકાએ તેના બ્રેકઅપ વિશે પોસ્ટ કર્યું હતું અને એક ચેટ શોમાં ખુલાસો કર્યો હતો કે, 'આઠ વર્ષ, તે સમયે એવું લાગી રહ્યું હતું કે જાણે જીવન ખતમ થઈ રહ્યું છે'. બ્રેકઅપ બાદ વિવેક દહિયા તેના જીવનમાં આવ્યો હતો અને બંનેએ 2016માં લગ્ન કર્યા હતા.


અનિતા હસનંદાની
અનિતા હસનંદાની અને એજાઝ ખાન તેમના ટીવી શો 'કાવ્યાંજલિ'ના સેટ પર મળ્યા હતા. અનિતાને જાણ થઈ કે, તે તેને છેતરી રહ્યો છે. હકીકતમાં, એજાઝે રાજીવ ખંડેલવાલના ચેટ શોમાં ખુલાસો કર્યો હતો કે, 'એક જ વાર મેં કોઈને ચીટ કરી છે. ભૂલ થઈ કે મારું આખું જીવન મેં નિચોવીને રાખી દીધું'. અનિતા હવે પતિ રોહિત રેડ્ડી સાથે ખુશ છે. બંનેએ 2013માં લગ્ન કર્યા હતા અને ટૂંક સમયમાં બંને મમ્મી-પપ્પા પણ બનવાના છે.


ગૌહર ખાનગૌહર ખાન અને કુશાલ ટંડન બિગ બોસના ઘરમાં પ્રેમમાં પડ્યા હતા. આખી સીઝન દરમિયાન તે કુશાલની પડખે રહી હતી. બાદમાં બંનેએ કોઈ કારણથી બ્રેકઅપ કરી દીધું હતું. 2020 બાદ ગૌહરને ઝૈદ દરબારમાં પ્રેમ મળ્યો હતો. થોડો સમય ડેટિંગ કર્યા બાદ બંનેએ 25મી ડિસેમ્બરે પરિવાર અને નજીકના મિત્રોની હાજરીમાં લગ્ન કર્યા હતા.