KBCની 11મી સીઝનને મળ્યો ત્રીજો કરોડપતિ, બિહારના ગૌતમ ઝાએ જીત્યા 1 કરોડ

કૌન બનેગા કરોડપતિમાં બિહારના મધુબની જિલ્લામાંથી આવેલા ગૌતમકુમાર ઝાએ કમાલ કરી છે. તેમણે શોમાં એક કરોડ રૂપિયા જીત્યા છે. ગૌતમ KBCની 2019ની સીઝનના ત્રીજા અને બિહારથી આવેલા બીજા કન્ટેસ્ટન્ટ છે જેમણે એક કરોડ રૂપિયા જીત્યા હોય. KBCના આ એપિસોડનું પ્રસારણ 14 અને 15 ઓક્ટોબરે થશે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોએક કરોડ જીતનાર ગૌતમ ઝા રેલવેમાં એન્જિનિયર છે. તેમણે IIT ધનબાદથી એન્જિનિયરિંગ કર્યું છે. હાલ તેમનું પોસ્ટિંગ પશ્ચિમ બંગાળના આદ્રામાં છે. ગૌતમના પિતા અરવિંદ કુમાર ઝા મધુબનીના વરિષ્ઠ વકીલ છે. તેમને દીકરાની સફળતા પર ગર્વ છે. અરવિંદ કુમારનું કહેવું છે કે, તેમના દીકરાએ પોતાની પ્રતિભા થકી માત્ર મધુબની નહીં આખા બિહારનું ગૌરવ વધાર્યું છે. ગૌતમની મમ્મીનું કહેવું છે કે, તે બાળપણથી જ હોંશિયાર હતો.આ એપિસોડ જોવા માટે આખું મધુબની ખૂબ ઉત્સાહિત છે. ગૌતમની આ ઉપલબ્ધિથી તેમનો પરિવાર ખૂબ ખુશ છે. તેમના સાસરામાં પણ જશ્નનો માહોલ છે. ઉલ્લેખનીય છે કે, કેબીસીની 11મી સીઝનના પહેલા કરોડપતિ બિહારના જહાનાબાદના રહેવાસી સનોજ રાજ હતા. આ પહેલીવાર બન્યું છે જ્યારે કેબીસીની એક જ સીઝનમાં બિહારના બે કન્ટેસ્ટન્ટ કરોડપતિ બન્યા હોય.‘સાંઢ કી આંખ’માં પ્રોસ્થેટિક લગાવતા તાપસી પન્નુને થતા હતા ત્રણ કલાક