ઉર્ફી જાવેદ પોતાના અવનવા અખતરાને કારણે ચર્ચામાં રહે છે. અતરંગી કપડા જ હવે ઉર્ફી જાવેદની ઓળખ બની ગયા છે. તે લોકો શું કહેશે, શું વિચારશે તેવો વિચાર કર્યા વિના મનમરજી અનુસાર આઉટફિટ્સ તૈયાર કરે છે અને પહેરીને જાહેરમાં નીકળી પણ જાય છે. તે ટ્રોલર્સનો અવારનવાર શિકાર બનતી હોય છે, પરંતુ ઉર્ફીને તેનાથી કોઈ અસર નથી થતી. તે ઘણીવાર ટ્રોલર્સને વળતો જવાબ પણ આપતી હોય છે. તાજેતરમાં જ તેણે નેટનો પારદર્શક આઉટફિટ પહેર્યો હતો અને તે પહેલા સેલોટેપથી બનેલી ડ્રેસ પહેરી હતી. અને હવે તો તેણે એક સ્ટેપ આગળ વધીને સાઈકલની ચેઈન પહેરી છે.
તમને જાણીને નવાઈ લાગશે અને પ્રશ્ન થશે કે સાઈકલની ચેઈન કેવી રીતે પહેરી શકાય? પરંતુ ઉર્ફી જાવેદ કંઈ પણ કરી શકે છે. તેણે ઈન્સ્ટાગ્રામ પર એક રીલ શેર કરી છે. વીડિયોમાં જોઈ શકાય છે કે ઉર્ફી સાઈકલ ચલાવી રહી છે અને એકાએક તેની સાઈકલની ચેઈન તૂટી જાય છે. અને પછી તેને એક વિચાર આવે છે. પછી બીજી ક્લિપમાં જોઈ શકાય છે કે ઉર્ફીએ શરીર પર તે ચેઈન વીંટાળી છે. આ સાથે તેણે બ્લેક હીલ્સ પહેરી છે.
ઉર્ફીએ કેપ્શનમાં લખ્યું છે કે, સાઈકલની ચેઈન. મેં પોતે પણ વિચાર્યુ નહોતું કે આ પ્રકારે કંઈ થઈ શકે છે. આમ તો આ મારો આઈડિયા નથી, એક મિત્રએ મને મસ્તીમાં કહ્યું કે આ તો સાઈકલની ચેઈનથી પણ ડ્રેસ બનાવી દેશે. અને મને વિચાર આવ્યો કે, મેં આવુ પહેલા કર્યું નથી, પણ હું ટ્રાય કરી શકુ છું. આ વીડિયો પર લોકો જાતજાતની પ્રતિક્રિયા આપી રહ્યા છે. એક યુઝરે લખ્યું કે, અરે ઉર્ફીએ મારી સાઈકલની ચેઈન ચોરી કરી. એક યુઝરે લખ્યું કે જે કોઈ ના કરી શકે તે ઉર્ફી કરે છે. અન્ય એક યુઝરે લખ્યું કે, હું તો અહીં કમેન્ટ્સ વાંચવા જ આવ્યો છું.
વર્કફ્રંટની વાત કરીએ તો ઉર્ફી જાવેદ બિગ બોસ ઓટીટીમાં જોવા મળી હતી. આ સિવાય તેણે કસૌટી ઝિંદગી કી, ડાયન, ચંદ્ર નંદિની, જીજી માં, યે રિશ્તા ક્યા કહલાતા હૈ, એસે મેરે હમસફર, બડે ભૈયા કી દુલ્હનિયા, મેરી દુર્ગા, બેપનાહ વગેરે જેવી સીરિયલોમાં કામ કર્યું છે. અત્યારે તે સ્પ્લિટ્સવિલામાં જોવા મળી રહી છે.