આ ફોટો ગલવાન ઘાટીમાં ચીની સેના સાથે થયેલી અથડામણમાં ઘાયલ ભારતીય સૈનિકનો નથી

દાવોઃ ટ્વિટર યૂઝર ડોક્ટર આનંદ રાયે એક વ્યક્તિની ઈજાગ્રસ્ત પીઠનો ફોટો શેર કર્યો અને સાથે દાવો કર્યો કે આ ગલવાન ઘાટીમાં ચીની સેના સાથે થયેલી હિંસક અથડામણમાં બચી ગયેલા ભારતીય સૈનિક છે. દાવો કરવામાં આવ્યો છે કે, આ વ્યક્તિને અણીદાર હથિયારોથી આટલી ગંભીર ઈજા પહોંચાડી છે.ટ્વિટર યૂઝરે લખ્યું,’ગલવાન ઘાટીમાં ચીની સેના સાથે હિંસક ઝડપમાં બચેલા એક ભારતીય સૈનિક. તેના આખા શરીર પર ઈજાના નિશાનો દેખાઈ રહ્યા છે. ભારતીય સૈનિક સંપૂર્ણ રીતે હથિયાર વગર હતા, તેમ છતાં ચીની સેનાએ હથિયારોનો ઉપયોગ કર્યો. સેનાને હથિયાર ઉઠાવવા માટે કોણે રોક્યા? યૂઝરે ટ્વીટમાં પ્રધાનમંત્રી ઓફિસના ટ્વિટર હેન્ડલરને પણ ટેગ કરવામાં આવ્યું છે.’

સત્ય શું છે?

ટ્વિટર યૂઝરે જે ફોટોગ્રાફ ગલવાન ઘાટીમાં ચીની સેના સાથે થયેલી હિંસક અથડામણમાં ભારતીય સૈનિકનો કહેવામાં આવી રહ્યો છે તે ફોટો 4 વર્ષ કરતા જૂનો છે.

કેવી રીતે કરવામાં આવી તપાસ?

ફોટોગ્રાફને રિવર્સ ઈમેજ સર્ચ કરતા અમને મલેશિયાઈ અને થાઈલેન્ડના બ્લોગ લિંક મળી, જેમાં આ ફોટોનો ઉપયોગ કરવામાં આવ્યો હતો. મોટાભાગના બ્લોગ આર્મીની ટ્રેનિંગ પર લખેલા હતા. તેમાં લખવામાં આવ્યું છે કે કેવી રીતે ટ્રેનિંગ દરમિયાન સૈનિકોને માનસિક અને શારીરિક પીડામાંથી પસાર થવું પડે છે જેથી તે મજબૂત બને છે.જોકે, ટાઈમ્સ ફેક્ટ ચેક એ નથી કહી શકાતું કે આ ફોટોગ્રાફ ક્યારનો છે પરંતુ તે નક્કી છે કે આ ફોટોગ્રાફ છેલ્લા 4 વર્ષથી ઈન્ટરનેટ પર ઉપલબ્ધ છે.

નિષ્કર્ષ

ટાઈમ્સ ફેક્ટ ચેકને પોતાની તપાસમાં જાણવા મળ્યું છે કે જે ફોટો ગલવાન ઘાટીમાં ઈજાગ્રસ્ત ભારતીય સૈનિકનો કહેવામાં આવી રહ્યો છે ચાર વર્ષ જૂનો છે. એટલે આ ફોટોને ગલવાન ઘાટીની અથડામણ સાથે કોઈ લેવાદેવા નથી.