દાવોઃ કેન્દ્ર સરકારના પરિવહન મંત્રી નિતિન ગડકરીનો એક Video સોશિયલ મીડિયા પર વાયરલ થઈ રહ્યો છે. એમાં દાવો કરાયો છે કે નીતિન ગડકરી નાગપુરમાં હેલમેટ વિના સ્કૂટર ચલાવતા જોવા મળ્યા હતા. Videoમાં નિતિન ગડકરી પાછળ એક વ્યક્તિ બેઠેલી દેખાય છે. ડાબી બાજુ ન્યુઝ ચેનલ NDTVનો લોગો દેખાય છે. ફેસબુક યુઝર રૂબી પઠાણે આ વીડિયો શેર કરીને લખ્યું, “લોકોને હેલમેટનો કડક નિયમ સમજાવનારા નિતિન ગડકરી પોતે હેલમેટ વિના નાગપુર રોડ પર જોવા મળ્યા. જ્યારે કાયદા બનાવનારા જ કાયદા તોડે તો તેમની પાસે કેટલો દંડ વસૂલવો જોઈએ?” આ લખાય છે ત્યાં સુધીમાં પોસ્ટ 38,000 વાર શેર કરાઈ ચૂકી છે અને તેને 6.14 લાખ લોકો જોઈ ચૂક્યા છે. અનેક ફેસબુક યુઝર્સ આ પોસ્ટને શેર કરી રહ્યા છે. હકીકત શું છે? નિતિન ગડકરીનો આ વાયરલ વીડિયો અત્યારનો નહિ પણ 2014નો છે. તમે ગૂગલ પર Nitin Gadkari Without Helmet કી વર્ડ્સ સર્ચ કરશો તો 2014ના અનેક ન્યુઝ મળશે જેમાં ગડકરીનો હેલમેટ વિના સ્કૂટર ચલાવતો વીડિયો જોવા મળશે. રિપોર્ટ્સ અનુસાર તે હેલમેટ પહેર્યા વિના RSS પ્રમુખ મોહન ભાગવતને મળવા ગયા હતા. સર્ચ રિઝલ્ટમાં અમને INDIA TODAYનો પણ એક વીડિયો મળ્યો જે ઓક્ટોબર 2014માં પબ્લિશ થયો હતો. આ વીડિયો વાયરલ વીડિયો જેવો જ છે. ટાઈમ્સ ઑફ ઈન્ડિયાએ પણ આ સાથે જોડાયેલો રિપોર્ટ પ્રકાશિત કર્યો હતો. આ વીડિયો NDTVની સાઈટ પર પણ મોજૂદ છે જેને 25 ઓક્ટોબર 2014ના રોજ પબ્લિશ કરવામાં આવ્યો હતો. ટાઈમ્સ ફેક્ટ ચેકની તપાસમાં જાણવા મળ્યું કે નવા ટ્રાફિકના નિયમો લાગુ પડ્યા બાદ નિતિન ગડકરી હેલમેટ વિના સ્કૂટર ચલાવી રહ્યા હોવાનો દાવો સાવ ખોટો છે. આ વીડિયો જૂનો છે.
ગડકરીએ નવા ટ્રાફિકના નિયમનો પણ કર્યો ભંગ? Video થયો વાયરલ
TNN 10 Sep 2019, 5:10 pm