પાટણમાં મોદી અપશબ્દ બોલ્યા? જાણો, કથિત કોંગ્રેસ સમર્થકે શેર કરેલા વિડીયોની હકીકત

I am Gujarat

કરવામાં આવી રહ્યો છે આ દાવો

પીએમ નરેન્દ્ર મોદીએ આજે ગુજરાતમાં પાટણ ખાતે ચૂંટણી સભાને સંબોધી હતી. જેમાં તેમણે પાણીની સમસ્યા અંગે વાત કરી હતી. જેનો સોશયલ મીડિયામાં એક વિડીયો ફરતો થયો છે, જે ‘Modi said ‘BC” એવા હેડિંગ સાથે શેર કરવામાં આવી રહ્યો છે.

શેર થઈ રહેલા વિડીયોમાં શું છે?

સોશયલ મીડિયા પર શેર કરાઈ રહેલા વિડીયોમાં પીએમ મોદીએ પાટણ ખાતે આપેલા ભાષણનો એક અંશ લેવામાં આવ્યો છે. જેમાં એક જગ્યાએ પીએમ મોદી કહે છે કે, ‘બધા કહે છે કે પાણી માટે લડાઈ થવાની છે….’ એ પછી વિડીયોને એવી રીતે એડિટ કરાયો છે કે, સાંભળનારને એવું લાગે કે, આ વાક્ય પછી પીએમ મોદી અપશબ્દ બોલે છે.

કોણે શેર કર્યો છે આ વિડીયો?

આ વિડીયો ગૌરવ પાંધી નામની એક વ્યક્તિએ શેર કર્યો છે. જેના ટ્વિટર હેન્ડલમાં તેણે એવી માહિતી આપી છે કે, તે રાજકીય કન્સલ્ટન્ટ અને સ્ટ્રેટેજિસ્ટ છે અને કોંગ્રેસનો સમર્થક છે. તેણે જે વિડીયો શેર કર્યો છે તે ‘ધ ક્વિન્ટ’ નામની ન્યૂઝ વેબસાઈટનો એડિટ કરેલો વિડીયો છે. એટલે કે, ‘ધ ક્વિન્ટ’ના વિડીયો સાથે છેડછાડ કરવામાં આવી છે. જોકે, ગૌરવ પાંધીએ પણ આ વિડીયો એડિટ કર્યો હોય તેવું નથી. એટલે કે, તેણે પણ કોઈ અન્યનો વિડીયો શેર કર્યો છે.

હકીકતમાં મોદી શું બોલ્યા હતા?

પીએમ મોદીએ પાટણમાં આપેલા ભાષણમાં છેલ્લી 30 સેકન્ડમાં પાણીની સમસ્યાની વાત કરી હતી. જેમાં તેમણે કહ્યું હતું કે, ‘લોકો એમ કહે છે કે ભવિષ્યમાં પાણીની લડાઈ થવાની છે, અલ્યા ભઈ બધા કો છો કે પાણીની લડાઈ થવાની છે, તો પછી અમે અતારથી પાણી પહેલા પાળ કેમ ન બાંધીએ.’

શેર થઈ રહેલા વિડીયોમાં શું કારીગરી કરાઈ છે?

પરિણામ

આ વિડીયોની હકીકતની ચકાસતા અમને જાણવા મળ્યું કે, આ વિડીયો શેર કરીને કરવામાં આવી રહેલો દાવો તદ્દન ખોટો છે. પીએમ મોદી તેમના ભાષણમાં અપશબ્દ નથી બોલ્યા. તેઓ માત્ર એટલું જ બોલ્યા છે કે, ‘લોકો એમ કહે છે કે ભવિષ્યમાં પાણીની લડાઈ થવાની છે.અલ્યા ભઈ બધા કો છો કે પાણીની લડાઈ થવાની છે, તો પછી અમે અતારથી પાણી પહેલા પાળ કેમ ન બાંધીએ?’ આમ, અમારી તપાસમાં પીએમ મોદી પોતાના ભાષણમાં અપશબ્દો બોલ્યા હોવાની વાત ખોટી સાબિત થઈ છે. વળી, આ શેર કરાયેલા વિડીયોની નીચે કોમેન્ટમાં ઘણા લોકોએ આ વાત ખોટી હોવાનું અને વિડીયો શેર કરનારે ધ્યાનથી વિડીયો સાંભળવા સલાહ આપી છે.