કોરોના વાયરસના શકમંદોને બર્બરતાપૂર્વક પકડી રહ્યું છે ચીન? જાણો હકીકત

શું કરવામાં આવી રહ્યો છે દાવો?સોશિયલ મીડિયા પ્લેટફોર્મ્સ અને વોટ્સએપ પર એક વિડીયોને એવા દાવા સાથે શૅર કરવામાં આવી રહ્યો છે કે ચીનની પોલીસ ક્વોરન્ટાઈન કરવા પર ભાગતા કોરોના વાયરસના શકમંદોને પકડવા માટે ખૂબ જ મહેનત કરી રહી છે.https://www.facebook.com/107827944047493/videos/151577096057814/આ વિડીયો ફેસબુક પર તેવા કેપ્શન સાથે શૅર થઈ રહ્યો છે કે, ‘બસ કરો ભારતવાસીઓ, આપણે અહીં બેસીને વોટ્સએપ અને ફેસબુક પર કોરોના વાયરસની મજાક ઉડાવી રહ્યા છીએ. જો કોરોનાનો અસલી કહેર જોવો હોય તો ચાઈનાથી આવેલા આ વિડીયોને જુઓ. એકવાર નહીં, બે વાર નહીં, 3 વાર ધ્યાનથી જુઓ કે આ મહામારીના ભરડામાં આવેલા લોકોને પકડવા માટે પોલીસ વહિવટી તંત્રને કેટલી મુશ્કેલી પડી રહી છે. તમારુ હૃદય પણ થીજી જશે.’ ટાઈમ્સ ફેક્ટ ચેકના એક વાચકે આ કેપ્શન સાથે વિડીયો અમને મોકલ્યો અને હકીકત જાણવાનું કહ્યુ હતું.શું છે હકીકત?આ વિડીયો જૂનો છે અને હોંગકોંગનો છે. જ્યાં રાજનૈતિક પ્રદર્શનકારીઓને પકડવા માટે પોલીસે કાર્યવાહી કરી હતી. જેને કોરોનાવાયરસ સાથે કોઈ જ લેવાદેવા નથી.કેવી રીતે કરી તપાસ?ગૂગલ ક્રોમના InVID એક્સટેન્શનના ઉપયોગથી અમે વિડીયોને અનેક ફ્રેમમાં વહેંચી અને પછી અલગ-અલગ સર્ચ એન્જિન પર રિવર્સ સર્ચ કર્યુ. જેના દ્વારા 1 સપ્ટેમ્બર, 2019ના રોજ યુ ટ્યૂબ પર ‘Hong Kong Free Press’ દ્વારા અપલોડ કરેલો વિડીયો મળ્યો હતો. જેનું ટાઈટલ ‘Hong Kong riot police & tactical officers storm metro train and beat, arrest protesters’ હતું. આ વિડીયોના વિઝ્યુઅલ્સ એવા જ હતા. જેવા આ કોરોના વાયરસના નામ પર શૅર થઈ રહ્યાં છે.થોડું વધુ તપાસ કરતા અમને The Guardianનો 1 સપ્ટેમ્બર, 2019ના રોજ પ્રકાશિત થયેલો રિપોર્ટ મળ્યો. આ રિપોર્ટનું ટાઈટલ ‘Hong Kong protests: riot police storm metro station With batons’ હતું. રિપોર્ટ અનુસાર, હિંસક અથડામણના કારણે રાજનૈતિક તણાવ વધ્યા પછી હોંગ કોંગ પોલીસે પ્રાઈમ એડવર્ડ મેટ્રો સ્ટેશન પર મુસાફરો પર લાઠીચાર્જ કર્યો હતો. ચીનથી હોંગકોંગને અલગ કરવા અંગે આવેલા એક પ્રસ્તાવ પછી શરુ થયેલા પ્રદર્શનોના 3 મહિના પછી આ હિંસક અથડામણ થઈ હતી. વિડીયો આવ્યાના 3 મહિના પછી એટલે કે 1 ડિસેમ્બર, 2019ના રોજ ચીનના વુહાનમાં કોરોનાવાયરસના પહેલા દર્દીની ખબર પડી હતી.તારણઃટાઈમ્સ ફેક્ટ ચેકને પોતાની તપાસમાં જાણવા મળ્યુ કે પ્રદર્શનકારીઓને હોંગકોંગ પોલીસ દ્વારા ધરપકડ કરાઈ હોવાના ખોટા દાવા સાથે શૅર થઈ રહ્યો છે કે ચીનની પોલીસ કોરોના વાયરસના દર્દીઓને પકડવામાં મુશ્કેલી થઈ રહી છે.