અમદાવાદીઓએ ટ્રાફિકના નિયમો તોડવા બદલ 8 મહિનામાં ભર્યો રૂ.14 કરોડ દંડ

અમદાવાદઃ શહેરમાં ટ્રાફિકના નવા નિયમો લાગુ થયા પહેલા જ અમદાવાદીઓ આ વર્ષે અત્યાર સુધીમાં કરોડો રૂપિયાનો દંડ ભરી ચૂક્યા છે. જાન્યુઆરીથી 31 ઓગસ્ટ 2019 સુધીમાં શહેર ટ્રાફિક પોલીસે ટ્રાફિકના નિયમનો ભંગ કરવા બદલ 13.45 લાખ કેસો નોંધ્યા હતા, જેમા વાહન ચાલકો પાસેથી કુલ 14.14 કરોડ રૂપિયા દંડ વસૂલાયો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: આ કેસોમાં શહેરીજનોને હેલ્મેટ ન પહેરવું સૌથી વધારે મોંઘુ પડ્યું છે. ટ્રાફિક પોલીસે નોંધેલા કુલ કેસોમાંથી 5.94 લાખ કેસોમાં હેલ્મેટ ન પહેરીને ડ્રાઈવ કરવા બદલ છે. આ નિયમના ભંગ બદલ વાહન ચાલકો પાસેથી 5.94 કરોડ રૂપિયા દંડ વસૂલાયો છે. આ પછીના ક્રમે ગેરકાયદે પાર્કિંગ કરવાના કેસો આવે છે. અંદાજિત 2.73 લાખ કેસોમાં ગેરકાયદે પાર્કિંગ કરનારા વાહન ચાલકો પાસેથી 2.74 કરોડ રૂપિયા દંડ વસૂલાયો હતો.પાછલા વર્ષ દરમિયાન ટ્રાફિક પોલીસ શહેરીજનો પાસેથી દંડ પેટે 19.07 કરોડ રૂપિયા વસૂલ્યા હતા. જોકે આ વર્ષે ઓગસ્ટ સુધીમાં જ 14.14 કરોડ રૂપિયા વસૂલી લેવાયા છે. જ્યારે હવે પાંચ ગણો દંડ લાગુ થયા બાદ આ આંકડો ઘણો વધી શકે છે. બી ડિવિઝન ટ્રાફિક પોલીસ સ્ટેશનના પોલીસ ઈન્સ્પેક્ટર અમરસિંહ ચૌહાણે કહ્યું, ‘વધારે દંડથી સ્પષ્ટ થાય છે કે જીવ બચાવનાર હેલ્મેટ પહેરવાથી લોકો કેટલા દૂર ભાગી રહ્યા છે.’ચૌહાણ આગળ કહે છે, ‘લોકો હેલ્મેટ ન પહેરવા પર સરખી રીતે ડ્રાઈવ કરતા નથી ફાવતું, ગરદન હલાવી નથી શકતા, ક્લોસ્ટ્રોફોબિયા અને સુંદરતા જેવા બહાનાઓ કાઢતા હોય છે.’ ટ્રાફિક વિભાગના એડિશનલ કમિશનર ઓફ પોલીસ ટ્રાફિક જે.આર મોથાલિઆ કહે છે, આ દંડ માત્ર સ્થળ પરથી જ વસૂલવામાં આવ્યો છે, તેમાં ઈ-ચલણના દંડની રકમ શામેલ નથી. અમે લોકોને ભારે દંડથી બચવા માટે ટ્રાફિકના નિયમોનું પાલન કરે તેવી વિનંતી કરીએ છીએ.આ પણ જુઓઃ રાણીપમાં પૂરઝડપે આવી રહેલા સ્કૂટર ચાલકે આધેડને અડફેટે લીધા