ગ્રૂપ પ્લેનેટ પેટલના મેનેજિંગ ડિરેક્ટર સુખબીર બગ્ગાએ જણાવ્યું હતું કે દર વર્ષે ઓટોફેસ્ટ વધુ સારો અને પરિપક્વ થઈ રહ્યો છે. અહીં સારું લોકેશન, સારું ક્રાઉડ અને સારું પ્લેટફોર્મ મળી રહ્યું છે. મહારાષ્ટ્ર, ગુજરાત અને મધ્યપ્રદેશમાં અમે સારી ઝડપે પ્રગતિ કરી રહ્યા છીએ અને ભારતના ગ્રોથ એન્જિન તરીકે ગુજરાતમાં અમદાવાદ તેનું એપીસેન્ટર બની રહ્યું છે. અમદાવાદના ગ્રાહકો પાસે કાર અંગે બહુ સારું નોલેજ છે અને આ માર્કેટના અગ્રણી હિસ્સેદાર બનવાનું અમને ગૌરવ છે.
મહિન્દ્રા એન્ડ મહિન્દ્રાના સિનિયર રિજનલ સેલ્સ મેનેજર દીપકકુમાર સિંહાએ જણાવ્યું હતું કે આજના સ્પર્ધાત્મક વાતાવરણમાં ઓટોફેસ્ટ જેવું પ્લેટફોર્મ અને ખૂબ જ મદદરૂપ બની રહ્યું છે. અમે અમારી લેટેસ્ટ પ્રોડક્ટ અહીં રજૂ કરી શક્યા છીએ. ઓટોફેસ્ટમાં અમે અમારું વેચાણ વધારવાના નવા રસ્તા જ નહીં, પરંતુ અમારી બ્રાન્ડને પણ મજબૂત બનાવવામાં સફળ રહ્યા છીએ.
જ્યારે મારૂતિ સુઝુકીના રિજિયનલ મેનેજર વેસ્ટ-3 પંકજ પ્રભાકરે જણાવ્યું હતું કે, એક જ પ્લેટફોર્મ પર એક સાથે આટલી બધી બ્રાન્ડ ગ્રાહકોને મળી એ બહુ જ આવકારદાયક વાત છે. અમદાવાદના ગ્રાહકોની પ્રાથમિકતા અને જરૂરિયાતો બદલાઈ રહી છે. ઓટોગિયર સેગમેન્ટમાં વધતી ડિમાન્ડને પૂરી કરવામાં અમારી નવી બ્રાન્ડ્ઝ ઝડપથી સફળતા મેળવી રહી છે અને ઓટોફેસ્ટમાં અમારી એ ખૂબી રજૂ કરવામાં અમને સફળતા મળી છે.