અમદાવાદમાં આટલા હજાર લોકો પાસે છે ગન રાખવાનું લાઈસન્સ!

અમદાવાદ: ગૃહ રાજ્યમંત્રી પ્રદીપસિંહ જાડેજાએ વિધાનસભાને જણાવ્યું છે કે, મે 2019 સુધીમાં અમદાવાદ શહેરમાં ગન રાખવાનું લાઈસન્સ ધરાવતા લોકોની સંખ્યા 5,104 નોંધાઈ છે. અમદાવાદ ગ્રામ્યમાં હથિયારનો પરવાનો ધરાવતા લોકોની સંખ્યા 2,047 છે, જેમાં ખેતરમાં ઉગેલા પાકના રક્ષણ માટે 1,093 લોકોએ લાઈસન્સ લીધા છે, જ્યારે 954 લોકોએ સ્વરક્ષણ માટે હથિયારનો પરવાનો લીધો છે. હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો કોંગ્રેસના જમાલપુર બેઠકના ધારાસભ્ય ઈમરાન ખેડાવાલા દ્વારા પૂછાયેલા સવાલમાં જાડેજાએ કહ્યું હતું કે, અમદાવાદ શહેરમાં 2018-19માં સેલ્ફ ડિફેન્સ માટે 85 લોકોએ, જ્યારે ગ્રામ્ય વિસ્તારમાં 35 લોકોએ સેલ્ફ ડિફેન્સ કે પાકના સંરક્ષણ માટે હથિયારના લાઈસન્સ લીધા હતા. 2017-18માં અમદાવાદ શહેરમાં 92 અને ગ્રામ્ય વિસ્તારમાં 54 લાઈસન્સ ઈશ્યૂ થયા હતા.