નવગુજરાત સમય > અમદાવાદ
– ધો.૧૦ પછીના ડિપ્લોમા એન્જિનિયરિંગમાં પ્રવેશ માટે મોકરાઉન્ડનું પરિણામ જાહેર કર્યા બાદ આજે ફાઇનલ મેરિટલિસ્ટ પણ જાહેર કરી દેવાયું છે. ફાઇનલ મેરિટલિસ્ટ જાહેર થતાની સાથે જ ફાઇનલ રાઉન્ડ માટેની ચોઇસ ફિલિંગ પ્રક્રિયા પણ શરૂ કરી દેવામાં આવી છે. વિદ્યાર્થીઓને આગામી તા.૫મી સુધી ચોઇસ ફિલિંગ કરવાની તક આપવામાં આવી છે. તા.૭મીએ ફાઇનલ એલોટમેન્ટ જાહેર કરવામાં આવશે. ડિપ્લોમા એન્જિનિયરિંગમાં મોકરાઉન્ડના પરિણામ બાદ અનેક સંસ્થાઓ પોતાની બેઠકો પ્રવેશ સમિતિને પરત કરે તેવી શકયતાં છે. ડિપ્લોમા એન્જિનિયરિંગ ૬૬૯૭૫ બેઠકો માટે આજે ૫૦૩૩૮ વિદ્યાર્થીઓનું ફાઇનલ મેરિટલિસ્ટ જાહેર કરાયું છે. હવે આગામી તા.૭મીએ વિદ્યાર્થીઓને કોલેજની ફાળવણી કરવામાં આવશે. આ માટે વિદ્યાર્થીઓ તા.૫મી સુધી ચોઇસ ફિલિંગ કરી શકશે. પ્રવેશ સમિતિના સૂત્રો કહે છે વિદ્યાર્થીઓએ મોકરાઉન્ડનું પરિણામ જોઇને કટ ઓફ માર્કસને ધ્યાનમાં રાખીને ફાઇનલ રાઉન્ડમાં ચોઇસ ભરવાની રહેશે.મોકરાઉન્ડનું પરિણામ જોતા અંદાજે ૧૫ હજારથી વધારે બેઠકો ખાલી પડે તેવી શકયતાં છે. મોકરાઉન્ડમાં વિદ્યાર્થીઓએ આપેલી ચોઇસના આધારે હાલમાં ડિપ્લોમા એન્જિનિયરિંગમાં સૌથી વધુ મિકેનિકલ બ્રાન્ચની ડીમાન્ડ છે. ત્યારબાદ ઇ.સી., કોમ્પ્યૂટર, સિવિલ અને ઇલેકટ્રિક બ્રાન્ચને વિદ્યાર્થીઓ પસંદ કરી રહ્યા છે. સૂત્રો કહે છે મોકરાઉન્ડનું પરિણામ આવ્યા પછી જુદી જુદી બ્રાન્ચની અનેક બેઠકો ખાલી પડે તેવી સ્થિતિ હોવાના કારણે અનેક કોલેજ સંચાલકો પોતાની બેઠકો પરત કરે તેવી શકયતા છે. નોંધનીય છે કે ગત વર્ષે ખાલી પડેલી બેઠકોના આધારે પારુલ યુનિવર્સિટી સહિત અનેક કોલેજોએ પોતાના અનેક બ્રાન્ચોના ડિવિઝનો બંધ કરી દીધા હતા. ચાલુ વર્ષ મોકરાઉન્ડના પરિણામના આધારે અનેક કોલેજ સંચાલકો પોતાની મેનેજમેન્ટ કવોટાની બેઠકો પણ પ્રવેશ સમિતિને પરત કરે તેવી શકયતા છે. સૂત્રો કહે છે અત્યાર સુધીમાં અનેક સ્વનિર્ભર કોલેજોએ પોતાની મેનેજમેન્ટ કવોટાની બેઠકો પ્રવેશ સમિતિને પાછી આપવાની દરખાસ્ત કરી દીધી છે. પરંતુ ફાઇનલ રાઉન્ડ શરૂ થતા હજુ અનેક કોલેજો બેઠકો પરત કરે તેવી શકયતા છે. પ્રોવિઝનલ મેરિટયાદી પછી 463 વિદ્યાર્થીઓ ઉમેરાયા ! ડિપ્લોમા પ્રવેશ સમિતિએ પ્રોવિઝનલ મેરિટયાદી જાહેર કર્યા બાદ વિદ્યાર્થીઓને ડોક્યુમેન્ટ વેરિફીકેશન માટે એક દિવસ વધારે મુદત આપવામાં આવી હતી. જેમાં અંદાજે ૪૬૩ જેટલા વિદ્યાર્થીઓએ પોતાના ડોક્યુમેન્ટ જમા કરાવ્યા હતા. સૂત્રો કહે છે આ વિદ્યાર્થીઓ એવા છે કે જેઓએ અગાઉ જાતિ અંગેના પ્રમાણપત્રો જમા કરાવ્યા નહોતા. પરંતુ પાછળથી તે જમા કરાવતાં હતા. અનેક વિદ્યાર્થીઓ એવા હતા કે જેઓએ રજિસ્ટ્રેશન કન્ફર્મ કરાવ્યુ નહોતુ. આખરે રજિસ્ટ્રેશન કન્ફર્મ થતાં તેમને મેરિટલીસ્ટમાં સમાવી લેવામાં આવ્યા હતા.
– ધો.૧૦ પછીના ડિપ્લોમા એન્જિનિયરિંગમાં પ્રવેશ માટે મોકરાઉન્ડનું પરિણામ જાહેર કર્યા બાદ આજે ફાઇનલ મેરિટલિસ્ટ પણ જાહેર કરી દેવાયું છે. ફાઇનલ મેરિટલિસ્ટ જાહેર થતાની સાથે જ ફાઇનલ રાઉન્ડ માટેની ચોઇસ ફિલિંગ પ્રક્રિયા પણ શરૂ કરી દેવામાં આવી છે. વિદ્યાર્થીઓને આગામી તા.૫મી સુધી ચોઇસ ફિલિંગ કરવાની તક આપવામાં આવી છે. તા.૭મીએ ફાઇનલ એલોટમેન્ટ જાહેર કરવામાં આવશે. ડિપ્લોમા એન્જિનિયરિંગમાં મોકરાઉન્ડના પરિણામ બાદ અનેક સંસ્થાઓ પોતાની બેઠકો પ્રવેશ સમિતિને પરત કરે તેવી શકયતાં છે. ડિપ્લોમા એન્જિનિયરિંગ ૬૬૯૭૫ બેઠકો માટે આજે ૫૦૩૩૮ વિદ્યાર્થીઓનું ફાઇનલ મેરિટલિસ્ટ જાહેર કરાયું છે. હવે આગામી તા.૭મીએ વિદ્યાર્થીઓને કોલેજની ફાળવણી કરવામાં આવશે. આ માટે વિદ્યાર્થીઓ તા.૫મી સુધી ચોઇસ ફિલિંગ કરી શકશે. પ્રવેશ સમિતિના સૂત્રો કહે છે વિદ્યાર્થીઓએ મોકરાઉન્ડનું પરિણામ જોઇને કટ ઓફ માર્કસને ધ્યાનમાં રાખીને ફાઇનલ રાઉન્ડમાં ચોઇસ ભરવાની રહેશે.મોકરાઉન્ડનું પરિણામ જોતા અંદાજે ૧૫ હજારથી વધારે બેઠકો ખાલી પડે તેવી શકયતાં છે. મોકરાઉન્ડમાં વિદ્યાર્થીઓએ આપેલી ચોઇસના આધારે હાલમાં ડિપ્લોમા એન્જિનિયરિંગમાં સૌથી વધુ મિકેનિકલ બ્રાન્ચની ડીમાન્ડ છે. ત્યારબાદ ઇ.સી., કોમ્પ્યૂટર, સિવિલ અને ઇલેકટ્રિક બ્રાન્ચને વિદ્યાર્થીઓ પસંદ કરી રહ્યા છે. સૂત્રો કહે છે મોકરાઉન્ડનું પરિણામ આવ્યા પછી જુદી જુદી બ્રાન્ચની અનેક બેઠકો ખાલી પડે તેવી સ્થિતિ હોવાના કારણે અનેક કોલેજ સંચાલકો પોતાની બેઠકો પરત કરે તેવી શકયતા છે. નોંધનીય છે કે ગત વર્ષે ખાલી પડેલી બેઠકોના આધારે પારુલ યુનિવર્સિટી સહિત અનેક કોલેજોએ પોતાના અનેક બ્રાન્ચોના ડિવિઝનો બંધ કરી દીધા હતા. ચાલુ વર્ષ મોકરાઉન્ડના પરિણામના આધારે અનેક કોલેજ સંચાલકો પોતાની મેનેજમેન્ટ કવોટાની બેઠકો પણ પ્રવેશ સમિતિને પરત કરે તેવી શકયતા છે. સૂત્રો કહે છે અત્યાર સુધીમાં અનેક સ્વનિર્ભર કોલેજોએ પોતાની મેનેજમેન્ટ કવોટાની બેઠકો પ્રવેશ સમિતિને પાછી આપવાની દરખાસ્ત કરી દીધી છે. પરંતુ ફાઇનલ રાઉન્ડ શરૂ થતા હજુ અનેક કોલેજો બેઠકો પરત કરે તેવી શકયતા છે. પ્રોવિઝનલ મેરિટયાદી પછી 463 વિદ્યાર્થીઓ ઉમેરાયા ! ડિપ્લોમા પ્રવેશ સમિતિએ પ્રોવિઝનલ મેરિટયાદી જાહેર કર્યા બાદ વિદ્યાર્થીઓને ડોક્યુમેન્ટ વેરિફીકેશન માટે એક દિવસ વધારે મુદત આપવામાં આવી હતી. જેમાં અંદાજે ૪૬૩ જેટલા વિદ્યાર્થીઓએ પોતાના ડોક્યુમેન્ટ જમા કરાવ્યા હતા. સૂત્રો કહે છે આ વિદ્યાર્થીઓ એવા છે કે જેઓએ અગાઉ જાતિ અંગેના પ્રમાણપત્રો જમા કરાવ્યા નહોતા. પરંતુ પાછળથી તે જમા કરાવતાં હતા. અનેક વિદ્યાર્થીઓ એવા હતા કે જેઓએ રજિસ્ટ્રેશન કન્ફર્મ કરાવ્યુ નહોતુ. આખરે રજિસ્ટ્રેશન કન્ફર્મ થતાં તેમને મેરિટલીસ્ટમાં સમાવી લેવામાં આવ્યા હતા.