આજથી જિમ જનારાએ આટલું ધ્યાન રાખવું પડશે, બહાર પડાયા નિયમ

ગુજરાત સહિત સમગ્ર દેશમાં કોરોના વાયરસના કેસમાં સતત વધારો થઈ રહ્યો છે. આ સ્થિતિમાં 5 ઓગસ્ટના દિવસે સમગ્ર દેશમાં જિમ અને યોગ સેન્ટર ખુલવા જઇ રહ્યા છે. જેને લઇને સરકારે એક ગાઇડલાઇન જાહેર કરી છે. આ ગાઇડલાઇનમાં સ્પષ્ટ ઉલ્લેખ કરાયો છે કે કન્ટેઇન્મેન્ટ ઝોનમાં જિમ કે યોગ સેન્ટર ખોલવામાં નહીં આવે. નોન-કન્ટેઇન્મેન્ટ ઝોનમાં જિમ અને યોગ સેન્ટર શરૂ કરી શકાશે. સરકારે આ સાથે કેટલાંક ચોક્કસ નિયમોનું કડક પાલન કરાવવા પણ દરેક રાજ્યોને જણાવ્યું છે. આ નિયમો નીચે મુજબ છે.

• તમામ જિમ અને યોગ સંસ્થાઓ કોરોનાના સંક્રમણનો વધુ ખતરો રહેલો હોય તેવા ઝોનમાં બંધ રહેશે. જ્યાં કોરોનાનો ખતરો ઓછો રહેલો છે ત્યાં જિમ અને યોગ સેન્ટરને ખોલવાની મંજૂરી આપવામાં આવશે. તમામ યોગ અને જિમ સંસ્થાઓએ યુનિયન અથવા રાજ્ય સરકાર દ્વારા આપવામાં આવેલી આરોગ્ય સંબંધિત તમામ માર્ગદર્શિકા/સૂચનાનું પાલન કરવાનું રહેશે.

• 65 વર્ષથી વધુ ઉંમરના વ્યક્તિઓ, બીજી કોમોર્બિડિટીવાળી વ્યક્તિઓ, ગર્ભવતી સ્ત્રીઓ અને 10 વર્ષથી નીચેના બાળકોએ બંધ જગ્યાઓ પર જિમનો ઉપયોગ કરવો નહીં.

• શક્ય હોય ત્યાં સુધી વ્યક્તિએ ઓછામાં ઓછું 6 ફૂટનું સોશિયલ ડિસ્ટન્સ જાળવવાનું રહેશે. કોઈ વ્યક્તિને છીંક અથવા ઉધરસ આવે ત્યારે ટીસ્યુ પેપર અથવા રૂમાલનો ઉપયોગ કરવો.

• દરેક સમયે ચહેરા પર માસ્ક પહેરવું ફરજિયાત છે. પરંતુ, યોગ-વ્યાયામ અને કસરત દરમિયાન સાદા કપડાનો ચહેરા પર ઉપયોગ કરી શકાય છે.

• જ્યારે હાથ ગંદા હોય નહીં ત્યારે પણ સાબુથી ઓછામાં ઓછા 40 સેકન્ડ માટે વારંવાર ધોવાની આદત રાખો. હેન્ડ સેનેટાઈઝર્સનો ઓછામાં ઓછી 20 સેકન્ડ માટે ઉપયોગ કરી શકાય છે.

• થૂંકવા પર પ્રતિબંધ જરૂરી છે અને બધાને આરોગ્ય સેતુ એપ્લિકેશનના ઉપયોગની સલાહ આપવામાં આવશે.

આ સિવાય આવશ્યક પગલાઓ જેવા કે યોગ સંસ્થાઓ/જિમ ખોલતા પહેલા સંબંધિત નિયમો, યોગ સંસ્થાઓ/જિમ ખોલ્યા પછીના નિયમો નીચે મુજબ છે.