બિન સચિવાલય પરીક્ષાઃ ક્યાંક પેપર ફૂટ્યાનો દાવો તો ક્યાંક સમય વધારતા હોબાળો

સુરેન્દ્રનગરની શાળાનો વિડીયો પણ વાઈરલ થયો હતો

અમદાવાદ: પહેલા બિન સચિવાલય ક્લાર્કની પરીક્ષા રાતોરાત રદ કરવામાં આવી હતી. ત્યારપછી પણ શૈક્ષણિક લાયકાત 12 પાસથી વધારીને ગ્રેજ્યુએટ કરી દેવાઈ હતી. આ પછી ભડકેલા વિવાદ બાદ પરીક્ષામાં શૈક્ષણિક લાયકાતનો નિર્ણય પરત ખેંચ્યો હતો. રાજ્યના 3171 કેન્દ્રો પર આ પરીક્ષા યોજવામાં આવી હતી. હવે ફરીથી આ પરીક્ષા વિવાદમાં આવી છે. આ પરીક્ષાનો સમય 12થી 2 વાગ્યાનો હતો. જોકે, અમુક જગ્યાએ પેપર ફૂટ્યાનો દાવો કરવામાં આવ્યો હતો તો સુરેન્દ્રનગરના એક સેન્ટરમાં વિદ્યાર્થીઓને વધુ સમય અપાતા બીજા વિદ્યાર્થીઓએ હોબાળો કર્યો હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોવાઈરલ થયા સ્ક્રિનશોટહવે આ પરીક્ષાનું પેપર ફૂટ્યું હોવાનો ઉમેદવારોએ દાવો કર્યો હતો. સોશિયલ મીડિયામાં એવો દાવો કરવામાં આવ્યો છે કે આ પેપરમાં જે પ્રશ્નો પૂછાયા હતાં તે જવાબના વ્હોટ્સએપ સ્ક્રીન શોટ્સ છે. બિન સચિવાલય પરીક્ષાના પેપરનો સમય 12 થી 2 વાગ્યાનો હતો. જ્યારે આ સ્ક્રિનશોટમાં પણ 12 થી 1 વાગ્યા દરમિયાનનો સમય છે. આ સ્ક્રિનશોટ વાઈરલ થતાં આકરી મહેનત કરીને પરીક્ષા આપતા ઉમેદવારોમાં ચિંતા પ્રસરી છે.વાઈરલ થયો વિડીયોનોંધનીય છે કે જ્યારથી બિન સચિવાલયની પરીક્ષા જાહેર કરવામાં આવી છે ત્યારે કોઈને કોઈ કારણોસર વિવાદમાં ઘસડાતી જ રહી છે. આજે યોજાયેલી પરીક્ષામાં પણ સુરેન્દ્રનગરમાં કેટલાક વિદ્યાર્થીઓ બપોરે 3 વાગ્યા સુધી પેપર લખતાં હોય તેવો વિડીયો પણ વાઈરલ થયો છે. આ પરીક્ષાનો સમય બપોરે 12 વાગ્યાથી 2 વાગ્યા સુધીનો હતો. જેના બદલે સુરેન્દ્રનગર સેન્ટરમાં 3 વાગ્યા સુધી કેટલાક વિદ્યાર્થીઓ પેપર લખી રહ્યા હતાં. આ કારણોસર કેટલાક વિદ્યાર્થીઓએ હોબાળો મચાવ્યો હતો. જેનો વીડિયો વાયરલ થયો છે.સુરેન્દ્રનગરમાં વિદ્યાર્થીઓએ કર્યો હોબાળોઆ ઉપરાંત ઉમેદવારોએ સુરેન્દ્રનગરની એમપી શાહ કોલેજમાં પેપર ફૂટ્યાનો આક્ષેપ કર્યો હતો. ઉમેદવારોએ આરોપ લગાવ્યો હતો કે કોલેજમાં જે પેપર આપવામાં આવ્યા હતાં તેમના સીલ તૂટેલા હતા. આ ઉપરાંત ગૌણ સેવા પસંદગી મંડળ દ્વારા પરીક્ષાને ગણતરીના કલાક જ બાકી હતાં. જે પહેલા પરીક્ષાના કેન્દ્ર બદલાવવામાં આવ્યા હતાં. સુરેન્દ્રનગર ઉપરાંત ચોટીલાની રોક ઓફ ગ્લોરી શાળામાં પણ પરીક્ષાર્થીઓએ હોબાળો મચાવ્યો હતો. ઉમેદવારોએ આક્ષેપ કર્યો હતો કે શાળાની અંદર પેપર લખાવવામાં આવી રહ્યાં હતાં. સંચાલક અને મળતિયાઓએ કેમેરાથી બચવા લોબીમાં ઉભા રહી અમુક વિદ્યાર્થીઓને ક્લાસની બહાર પેપર લખાવવામાં આવ્યા હતા. આ મુદ્દાને લઈ અન્ય વિદ્યાર્થીઓએ હોબાળો મચાવી વિરોધ દર્શાવ્યો હતો.