અમદાવાદ: કોરોના લોકડાઉન અંગે અમદાવાદ શહેર પોલીસ કમિશનર આશિષ ભાટીયાએ પ્રેસ કોનફરન્સ કરી હતી. તેમણે જણાવ્યું કે, શહેરના કુલ 14 વિસ્તારો ક્લસ્ટર ક્વોરેન્ટીન છે. આજે તબલીગી જમાતના વધુ 11 લોકોની ઓળખ થઈ છે. આ તમામનો કોરોનાનો રિપોર્ટ પોઝિટિવ આવ્યો છે. હાલ અમદાવાદ મ્યુનિસિપલ કોર્પોરેશન સાથે સંપર્કમાં રહીને તમામ પરિસ્થિતિઓ પર નજર રાખવામાં આવી રહી છે.જ્યારે લોકડાઉનના ઉલ્લંઘન મુદ્દે અત્યાર સુધીમાં 1829 ગુનો નોંધ્યા છે અને 5399 આરોપીની અટકાયત કરી છે. જ્યારે 144ના ભંગ બદલ 1744 ગુના નોંધવામાં આવ્યા છે અને સોશિયલ મીડિયાના 12 એકાઉન્ટ બંધ કરાવ્યા છે. તેમજ એપેડેમિક ડિસિઝ એક્ટ મુજબ 80 ગુના નોંધવામાં આવ્યા છે. જે અંતર્ગત 139 આરોપીની ધરપકડ કરવામાં આવી છે. 25 ડ્રોન દ્વારા 26 ગુના નોંધવામાં આવ્યા છે અને 98ની ધરપકડ કરી છે. ગઇકાલે 589 વાહનો ડિટેઈન કર્યાં હતા, જેનો 7 લાખ 2 હજાર 500 દંડ વસૂલવામાં આવ્યો છે. આ ઉપરાંત IPC 269-270ના 4 ગુનામાં 14 આરોપીપી તેમજ ડિઝાસ્ટર મેનેજમેન્ટ એક્ટ હેઠળ 3 ગુનામાં 4 લોકોની ધરપકડ થઈ છે. હોમ ક્વોરન્ટિનમાં રહેતા 1853 લોકોને પોલીસ દ્વારા ચેક કરવામાં આવ્યા છે. હોમ ક્વોરન્ટિનનો પીરિયડ પૂરો ન થાય ત્યા સુધી ઘરમાં જ રહેવા માટેની સુચના આપવામાં આવી છે.અમદાવાદ શહેરમાં 14 વિસ્તારોમાં મ્યુનિસિપલ કોર્પોરેશન દ્વારા કલ્સ્ટર ક્વોરન્ટિન જાહેર કરવામાં આવ્યા છે. આ વિસ્તારોમાં SRP અને સ્થાનિક પોલીસ દ્વારા બંદોબસ્ત ગોઠવવામા આવ્યો છે. AMC દ્વારા મેસિવ એક્સરસાઈઝ ચાલી રહી છે. જેમાં કલ્સ્ટર એરિયામાં વધુમાં વધુ લોકોનું ટેસ્ટિંગ કરવામં આવી રહ્યું છે. કોટ વિસ્તારમાં જેટલા બણ દરવાજા છે ત્યાં કોરોના ચેકપોસ્ટ ઉભી કરવામાં આવી છે. કોટ વિસ્તારમાં શાહપુર, કાલુપુર, ગાયકવાડ હવેલી, દરિયાપુરમાં પોલીસ સાથે ડૉક્ટરોની ટીમ દ્વારા સેમ્પલિંગની કાર્યવાહ કરી છે.આશિષ ભાટીયાએ જણાવ્યું કે, અમે એક કોવિડ વોલિન્ટર્સ થીમ બહાર પાડી છે. સ્થાનિક લોકો જેમાં ખાસ કરીને કલ્સ્ટર ક્વોરન્ટિન વિસ્તારમાં લોકોની મદદ મળી રહે તે મુજબ અમે કોવિડ વોલિન્ટર્સ નક્કી કર્યા છે. અત્યારસુધી 1258 કોવિડ વોલિન્ટર્સ રોલ પર લીધા છે. આ વોલિન્ટર્સ તેમના વિસ્તારમાં, સોસાયટીમાં અને પોળમાં તેમની રીતે પોલીસને મદદરૂપ થવા માટેની કાર્યવાહી કરી રહ્યાં છે.
મરકઝમાં ભાગ લેનારા અમદાવાદના 11 વ્યક્તિઓનું દિલ્હી કનેક્શન: આશિષ ભાટીયા
I am Gujarat 9 Apr 2020, 5:40 pm