અમદાવાદઃ લંબાઈ ગયેલા વરસાદ અને 18 ટક GSTને કારણે અમદાવાદમાં ફટાકડાના ઉત્પાદન પર સીધી અસર પડી છે. અમદાવાદની બહારના વિસ્તારોમાં લગભગ ડઝન જેટલા યુનિટ ફટાકડાનું ઉત્પાદન કરે છે. તે મુખ્યત્વે 555 બોંબ, મિર્ચી બોંબ અને કોઠીનું ઉત્પાદન કરે છે. અમદાવાદ અને ગુજરાતના માર્કેટમાં તેમના ફટાકડા જાય છે. આ યુનિટો પૂર્વ અમદાવાદના વાંચ ગામમાં આવેલા છે. હવે ટેલિગ્રામ પર મેળવો દરેક મહત્વના સમાચાર, શરુ કરવા અહીં ક્લિક કરો ફટાકડાના ઉત્પાદન સાથે સંકળાયેલા લોકો કહે છે કે ડઝન જેટલી ફેક્ટરીઓનું ટર્ન ઓવર 60 લાખ રૂપિયા જેટલું છે. પરંતુ આ વર્ષે ટર્ન ઓવર ઘટીને 30થી 35 લાખ રૂપિયા થવાની શક્યતા છે. એક અગ્રણી ફટાકડા ઉત્પાદક નદીમ બાગબાન જણાવે છે, “ઉત્પાદનમાં લગભગ 50 ટકાનો ઘટાડો થયો છે. મુખ્ય કારણ એ છે કે ચોમાસુ હજુ લંબાયું છે અને ફટાકડા પર GST 18 ટકા છે.” તેમણે કહ્યું કે ફટાકડા બનાવવાનું કામ દિવાળીના લગભગ છ મહિના પહેલા ચાલુ થઈ જાય છે. આ વખતે ચોમાસાને કારણે કાચો માલ પલળી ગયો જેને કારણે તે નકામો થઈ ગયો છે. ઉલ્લેખનીય છે કે દેશમાં છેલ્લા થોડા મહિનાથી મંદીના ભણકારા વાગી રહ્યા છે. દેશનો GDP દર પણ ઘટ્યો છે. આવામાં આ મહિને ગ્રાહકો ફટાકડા ખરીદવા કેટલો ઉત્સાહ દાખવે છે તે પણ જોવાનું રહેશે. આ ઉપરાંત છેલ્લા થોડા વર્ષોથી ચાઈનીઝ ફટાકડા પણ ભારતીય ફટાકડાનું માર્કેટ ખાઈ રહ્યા છે. આવામાં ફટાકડા ઉત્પાદકોને ટકી રહેવા સંઘર્ષ કરવો પડી રહ્યો છે. આ વર્ષે લંબાયેલા ચોમાસા અને જીએસટીએ બળતામાં ઘી હોમવાનું કામ કર્યું છે.
લાંબા ચોમાસા અને 18 ટકા GSTને કારણે ગુજરાતનો ફટાકડા ઉદ્યોગ હવાઈ ગયો
I am Gujarat 21 Oct 2019, 8:31 am