અમદાવાદ-મુંબઈ વચ્ચે દોડનારી 'તેજસ એક્સપ્રેસ'ને લીલીઝંડી, દરેક પેસેન્જરને 25 લાખનો વીમો

અમદાવાદ: અમદાવાદ-મુંબઈ વચ્ચે દોડનારી ગુજરાતની પહેલી ખાનગી ટ્રેન ‘તેજસ એક્સપ્રેસ’ ને શુક્રવારે મુખ્યમંત્રી વિજય રૂપાણી અને કેન્દ્રિય રેલવે તથા વાણિજ્ય મંત્રી પિયુષ ગોયલે લીલીઝંડી આપી. આ ટ્રેન શતાબ્દી ટ્રેનની વિરુદ્ધમાં દોડશે. રેલવેના કહેવા મુજબ આ ખાનગી ટ્રેન રવિવારથી પોતાના રૂટ પર દોડવાનું શરૂ કરશે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:તેજન ટ્રેનમાં 60 દિવસ પહેલાથી એડવાન્સ બુકિંગ કરાવી શકાશે. પેસેન્જરોને ટ્રેનમાં કોઈ સ્પેશિયલ ક્વોટા કે કન્સેશનનો લાભ મળવાપાત્ર નહીં રહે. આ ટ્રેનની ખાસ વાત છે કે તેમાં કોઈ તત્કાલ કે પ્રીમિયમ ક્વોટા નથી. ટ્રેનમાં માત્ર જનરલ ક્વોટા અને ફોરેન ટુરિસ્ટ ક્વોટા મળશે. ટ્રેન 1 કલાકથી વધુ સમય માટે મોડી પડશે તો IRCTC દરેક પેસેન્જરને 100 રૂપિયા વળતર આપશે અને જો ટ્રેન 2 કલાકથી વધુ મોડી પડશે તો 250 રૂપિયા વળતર આપશે.તેજસ ટ્રેન અમદાવાદ-મુંબઈ વચ્ચે ગુરુવાર સિવાય અઠવાડિયામાં 6 દિવસ દોડશે. શિડ્યૂલ મુજબ ટ્રેન અમદાવાદથી 6.40 કલાકે રવાના થશે અને મુંબઈ સેન્ટ્રલ સ્ટેશન પર બપોરે 1.10 કલાકે પહોંચશે. ટ્રેન અમદાવાદથી મુંબઈ વચ્ચેનું 533 કિલોમીટરનું અંતર 6 કલાક અને 30 મિનિટમાં કાપશે.આ દરમિયાન ટ્રેન 6 સ્ટેશનો નડિયાદ, વડોદરા, ભરુચ, સુરત, તાપી અને બોરીવલી પર ઊભી રહેશે. પાછા આવતા સમયે ટ્રેન મુંબઈ સેન્ટ્રલથી બપોરે 3.40 કલાકે રવાના થશે અને અમદાવાદમાં રાત્રે 9.55 કલાકે પહોંચશે. ઓક્ટોબરમાં જ IRCTCએ લખનઉ-નવી દિલ્હી વચ્ચે પહેલી તેજસ એક્સપ્રેસ ટ્રેન શરૂ કરી હતી.અદ્યતન સુવિધાઓથી સુસજ્જ હશે કોચતેજસ ટ્રેનના દરેક એક્ઝિક્યુટીવ ચેરકાર કોચ એરકન્ડીશનર હશે. દરેક કોચમાં 56 સીટો હશે. ટ્રેનમાં ચા-કોફીના વેન્ડીંગ મશીન, સીસીટીવી કેમેરા, LED ટીવી અને ઓટોમેટીક ડોર જેવી આધુનિક સુવિધાઓ હશે.ટ્રેનના ભાડામાં ફ્લાઈટની જેમ ડાયનામિક ફેર સિસ્ટમ લાગુ કરવામાં આવી છે. IRCTCની ટ્રેનમાં ટ્રાવેલ કરી રહેલા દરેક પેસેન્જરને 25 લાખ રૂપિયાનો ફ્રી ટ્રાવેલ ઈન્શ્યોરન્સ આપવામાં આવશે. આ કોમ્પલીમેન્ટરી ટ્રાવેલ ઈન્શ્યોરન્સમાં સામાન ચોરી કે ગુમ થવા પર 1 લાખનું કવરેજ મળશે.કેટલું હશે ભાડુંતેજસ એક્સપ્રેસમાં એક્ઝિક્યુટીવ ચેરકારનું ભાડું 2400 રૂપિયા રાખવામાં આવ્યું છે, જ્યારે ચેરકારનું ભાડું 1300 રૂપિયા રાખવામાં આવ્યું છે. ટ્રેનમાં 5 વર્ષથી નાના બાળકો ફ્રીમાં મુસાફરી કરી શકશે જ્યારે 5 વર્ષથી ઉપરની ઉંમરના બાળકોની આખી ટિકિટ લેવી પડશે.ટ્વિટર પર તેજસ એક્સપ્રેસ ટ્રેન્ડમાંતેજસ એક્સપ્રેસને લીલીઝંડી અપાતા જ ટ્વિટર પર #GoTejasGo ટ્રેન્ડ થવા લાગ્યું હતું. મુખ્યમંત્રી વિજય રૂપાણી સહિતનાં હજારો લોકોએ આ હેશટેગ સાથે તેજસ ટ્રેનને આવકારી હતી. તો આ હેશટેગ ટ્વીટર પર ટોપ ટ્રેન્ડમાં આવી ગયું હતું. હજારો લોકોએ આ હેશટેગ સાથે ટ્વીટ કર્યું હતું.