અમદાવાદઃ કોરોનાની ગાઈડલાઈનનું ઉલ્લંઘન કરતા મેકડોનાલ્ડ સહિતની પાંચ દુકાનો AMCએ સીલ કરી

કોર્પોરેશન દ્વારા આજે AMC દ્વારા તપાસ કરતા રેસ્ટોરેન્ટ તેમજ સુપર માર્કેટ સહિતની દુકાનોમાં લોકો માસ્ક વગર તેમજ સોશિયલ ડિસ્ટન્સિંગનું પાલન કરતા નહોતા. જેને ધ્યાનમાં રાખીને પાલિકા દ્વારા આ તમામ પાંચ દુકાનો બંધ કરી સીલ કરી દેવામાં આવી છે. જેમાં ઓશિયા હાઈપરમાર્કેટ, મેકડોનાલ્ડ, અમેઝિંગ અમદાવાદ, બેબી કેર અને કેફે સેલ્ફી નામનો સમાવેશ થાય છે.

થોડા દિવસ પહેલા સોશિયલ ડિસ્ટન્સ ન જળવાતા વસ્ત્રાપુરના એ- વન મોલ (આલ્ફા વન મોલ)ને પણ સીલ કરી દેવામાં આવ્યો હતો. આ ઉપરાંત હિમાલયા મોલમાં મેકડોનાલ્ડસ રેસ્ટોરન્ટ સહિત અનેક દુકાનો પણ સીલ મારવામાં આવી છે.