AMCની સ્પષ્ટતા: રાત્રિ કર્ફ્યુ નથી, કેટલાક સ્થળોએ માત્ર ખાણી-પીણીની દુકાનો બંધ થશે

અમદાવાદ: અમદાવાદ શહેરમાં સતત વધી રહેલા કોરોના વાયરસના સંક્રમણને ફેલાતુ અટકાવવા માટે અમદાવાદ મ્યુનિસિપલ કોર્પોરેશન (AMC) દ્વારા મહત્વનો નિર્ણય લેવામાં આવ્યો છે. કોરોના વાયરસની મહામારીને ધ્યાનમાં રાખતા તંત્રએ શહેરના 27 વિસ્તારોમાં રાત્રે 10 વાગ્યા બાદ તમામ દુકાનો બંધ રાખવાનો આદેશ કર્યો હતો. પણ હવે માત્ર આ વિસ્તારોમાં ખાણી-પીણીની દુકાનો જ બંધ રહેશે. અમદાવાદ મ્યુનિસિપલ કોર્પોરેશન (AMC) દ્વારા એ પ્રકારે નિર્ણય લેવામાં આવ્યો છે કે અમદાવાદ પશ્ચિમ વિસ્તારના માત્ર કેટલાંક ખાણીપીણીના સ્થળો રાત્રે 10 વાગ્યાથી સવારે 6 વાગ્યા સુધી બંધ રાખવામાં આવશે. કોઈપણ વિસ્તારોમાં કર્ફ્યુ લાગુ કરવામાં આવ્યો નથી.

અમદાવાદ મ્યુનિસિપલ કોર્પોરેશન (AMC) દ્વારા જણાવવામાં આવ્યું છે કે છેલ્લા 10-15 દિવસમાં શહેરના યુવાવર્ગ દ્વારા માસ્ક પહેરવું નહીં, માસ્ક ખોટી રીતે પહેરવું, સમૂહમાં ટોળે વળવુ, સોશિયલ ડિસ્ટન્સ જાળવવું નહીં જેવા કોવિડ પ્રોટોકલ ભંગ થતા હોવાના કિસ્સાઓ જાણવા મળ્યા છે. શહેરના ચોક્કસ વિસ્તારોમાં આ પ્રકારની પ્રવૃત્તિઓ રાત્રિના સમયે થતી હોવાનું ધ્યાનમાં આવ્યું છે. આ યુવાનો જ્યારે ઘરે જાય ત્યારે પરિવારના સભ્યો માટે કોરોનાના સંક્રમણનું જોખમ ઊભું કરી શકે છે. આ કારણે શહેરના કેટલાંક વિસ્તારોમાં ખાણી-પીણીની દુકાનો રાત્રે 10 વાગ્યાથી સવારે 6 વાગ્યા સુધી બંધ રાખવામાં આવશે. ઉપરોક્ત નિર્ણયનો અમલ તાત્કાલિક અસરથી કરવાનો રહેશે. જ્યાં સુધી કોરોના સંક્રમણની પરિસ્થિતિમાં સુધારો ન આવે તેમજ બીજી સૂચના આપવામાં ન આવે ત્યાં સુધી આ નિર્ણય ચૂસ્તપણે અમલમાં રહેશે.

આ 27 વિસ્તારોમાં દુકાનો રાત્રે 10 વાગ્યા બાદ બંધ રાખવા નિર્ણય

1. પ્રહલાદનગર રોડ
2. YMCAથી કાકે કા ઢાબા (કર્ણાવતી ક્લબ રોડ)
3. પ્રહલાદનગર ગાર્ડનથી પેલેડીયમ સર્કલ (કોર્પોરેટ રોડ)
4. બૂટ ભવાની મંદિરથી આનંદનગર રોડ
5. એસજી હાઈવે
6. ઈસ્કોન ક્રોસ રોડથી શપથ-4 અને 5 સર્વિસ રોડ
7. સિંધુ ભવન રોડ
8. બોપલ-આંબલી રોડ
9. ઈસ્કોનથી બોપલ-આંબલી રોડ
10. ઈસ્કોન-આંબલી રોડથી હેબતપુર રોડ વચ્ચેનો વિસ્તાર
11. સાયન્સ સિટી રોડ
12. શીલજ સર્કલથી સાયન્સ સિટી સર્કલ સુધી 200 ફૂટના એસપી રિંગ રોડ ઉપર
13. આંબલી સર્કલથી વૈષ્ણોદેવી સર્કલ સુધી 200 ફૂટના એસપી રિંગ રોડ પર
14. સીજી રોડ
15. લૉ ગાર્ડન (ચાર રસ્તા અને હેપ્પી સ્ટ્રીટ, મ્યુનિસિપલ માર્કેટ, પંચવટી સર્કલ
16. વસ્ત્રાપુર તળાવને ફરતે
17. માનસી સર્કલથી ડ્રાઈવ-ઈન રોડ
18. ડ્રાઈવ-ઈન રોડ
19. ઓનેસ્ટથી શ્યામલ ક્રોસ રોડ (પ્રહલાદનગર 100 ફૂટ રોડ)
20. શ્યામલ બ્રિજથી જીવરાજ ક્રોસ રોડ
21. બળિયાદેવ મંદિરથી જીવરાજ ક્રોસ રોડ
22. આઈ.આઈ.એમ રોડ
23. શિવરંજનીથી જોધપુર ક્રોસ રોડ (BRTS કોરિડોરની બંને બાજુ)
24. રોયલ અકબર ટાવર પાસે
25. સોનલ સિનેમા રોડથી અંબર ટાવરથી વિશાલા સર્કલ
26. સરખેજ રોઝા-કેડિલા સર્કલ- ઉજાલા સર્કલ
27. સાણંદ ક્રોસ રોડ-શાંતિપુરા ક્રોસ રોડ