સાવધાન! અમદાવાદના આ સિગ્નલ પર અત્યાર સુધી 2.32 લાખ લોકોના ઈ-મેમો ફાટી ચૂક્યા છે

અમદાવાદઃ શહેરમાં ટ્રાફિકના નિયમોનું પાલન વાહન ચાલકો કરે તે માટે જંક્શન પર કેમેરા લગાવાયા છે. જોકે કેમેરા હોવા છતાં વાહન ચાલકોને ઈ-મેમોનો કોઈ ભય ન હોય તેમ લાગી રહ્યું છે. શહેરના પશ્ચિમમાં શ્યાલમ ક્રોસ રોડ પર વાહન ચાલકો દ્વારા સૌથી વધારે ટ્રાફિકના નિયમોનું ઉલ્લંઘન કરાતું હોવાનું સામે આવ્યું છે. પાછલા 4 વર્ષોમાં આ જંક્શન પર 2.32 લાખ લોકોને ઈ-મેમો મળી ચૂક્યા છે. જે શહેરના ટ્રાફિકના નિયમોના ઉલ્લંઘનમાં 7 ટકા થાય છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: અમદાવાદમાં સપ્ટેમ્બર 2015થી ઓગસ્ટ 2019ની વચ્ચે ટ્રાફિકના નિયમોનું ઉલ્લંઘન કરનારા 35.71 લાખ ઈ-મેમોનો IIT હૈદરાબાદ અને IIT દિલ્હીની ટીમે અભ્યાસ કર્યો હતો. અભ્યાસ મુજબ શહેરના પૂર્વ વિસ્તારમાં જૂના અમદાવાદ તથા તેની આસપાસના 2 કિમીના વિસ્તારના જંક્શનમાં સૌથી વધારે ટ્રાફિકના નિયમોનું ઉલ્લંઘન થયું. ટ્રાફિકના આ નિયમોના ઉલ્લંઘનમાં 135 જંક્શન પર હેલ્મેટ ન પહેરવાના કારણે 10 લાખ, રેલ સિગ્નલ તોડવા માટે 21 લાખ મેમો અપાયા હતા. આ જંક્શનમાં પશ્ચિમ અમદાવાદના શ્યામલ, પાલડી, વિજય, શાસ્ત્રીનગર અને સરદાર પટેલ સ્ટેચ્યુ જંક્શનનો સમાવેશ થાય છે. આ પાંચ જંક્શન પર 25 ટકા જેટલા ટ્રાફિક ઉલ્લંઘનના કેસ બન્યા છે. અભ્યાસમાં તે પણ સામે આવ્યું કે 18 પ્રકારના ટ્રાફિકના ગુનાઓ જેનો દંડ અમદાવાદીઓ ચૂકવે છે, તેમાં હાઈસ્પીડનો રેશિયો BRTS લેનમાં ડ્રાઈવ કરવાથી અપાતા મેમોની સરખામાણીમાં વધારે પાછળ નથી. અમદાવાદીઓએ ઓવર સ્પીડિંગ માટે ચૂકવેલ એવરેજ દંડની રકમ 1017.67 કરોડ છે જ્યારે BRTS લેનમાં ડ્રાઈવ કરવા માટે 1265.20 કરોડનો દંડ વસૂલાયો છે.